FÝTBOLDAN ÁLEM ChEMPIONATY-2022
  Jańalyqtar  >

Memleket basshysy Abaı mektepterindegi oryn tapshylyǵyn birjola sheshýdi tapsyrdy

2022 jylǵy 30 qyrkúıek, 11:25
Memleket basshysy Abaı mektepterindegi oryn tapshylyǵyn birjola sheshýdi tapsyrdy

SEMEI. QazAqparat - Bilim – básekege qabiletti jáne tabysty ult bolýdyń basty kepili. Bul týraly Prezıdent Qasym-Jomart Toqaev abaılyqtarmen kezdesýde aıtty, dep habarlaıdy QazAqparat.

«Qazir elimizde «Jaıly mektep» ulttyq jobasy qolǵa alynyp jatyr. Abaı oblysyndaǵy mektepterde 9 myńǵa jýyq balaǵa oryn jetispeıdi. Aldaǵy ýaqytta 11 mektep jáne 14 balabaqsha salý josparlanǵan. Biraq, munyń ózi jetkiliksiz. Úkimet pen ákimdikke oblys mektepterindegi oryn tapshylyǵy máselesin birjola sheshýdi tapsyramyn», - dedi Memleket basshysy.

Ol qazaq halqynyń ustazdy qurmet tutqanyn atap ótti.

«Bul sózimiz naqty ispen bekitilip jatyr. Arnaıy Oqý-aǵartý mınıstrligi quryldy. Biz buǵan deıin «Pedagogtardyń mártebesi týraly» Zań qabyldap, onyń aıasynda muǵalimderdiń jalaqysyn ósirdik. «Álippeni» qaıtardyq.

Orta bilimdi damytýǵa baǵyttalǵan birqatar jaǵymdy ózgerister bar. Osyndaı ıgi sharalar arqyly biz qoǵamda muǵalimniń mártebesin odan ári bıiktetemiz. Ustaz bizdiń qoǵamda árdaıym syıly tulǵa bolady», - dedi Qasym-Jomart Kemeluly.


Uqsas jańalyqtar
Seriktester jańalyqtary

Jańalyqtar