Memqyzmetshilerdi qysqartýdyń Prezıdenttik kadr rezervine qatysy joq – Anar Jaıylǵanova
2021 jylǵy 27 jeltoqsan 13:28

Memqyzmetshilerdi qysqartýdyń Prezıdenttik kadr rezervine qatysy joq – Anar Jaıylǵanova

NUR-SULTAN. QazAqparat – Memlekettik qyzmetshilerdi qysqartý sharalarynyń Prezıdenttik jastar kadrlyq rezervine ótken jastarǵa qatysy joq, dep habarlaıdy QazAqparat tilshisi.

«Memlekettik qyzmetshiler qatary bıyl 10 paıyz, kelesi jyly 15 paıyz qyrqartylady. Bizdiń agenttik bul mejeni jyldyń basynda oryndap tastady. Bul qysartýdyń Prezıdenttik jastar kadrlyq rezervine ótken 50 adamǵa eshqandaı áseri bolmaıdy. Olar jumysqa qabyldanady. Óıtkeni olar úzdikter. Olar jumys isteı alady», - dedi agenttik basshysy.

Onyń málimeti boıynsha bıylǵy irikteýge qatysqan jastardyń ishinde óńirlerge baryp jumys isteýge daıyn úmitkerler kóp bolǵan.

«Ásirese jigitterdiń bári qandaı óńirge jiberse de jumys isteýge daıyn ekenderin aıtyp otyr. Bizdegi bilikti maman tapshylyǵy kóbinese óńirlerde baıqalyp otyr. Aýdandarda, aýyldarda degen sııaqty. Qýanǵanymyz, irikteýge kelgen jigitterdiń bári qaı óńirge bar dese, barýǵa daıyn ekenderin aıtty. Ekibastuz, Jezqazǵan sııaqty monoqalalar bar ǵoı bizde. Qyzdardyń kóbi otbasylyq jaǵdaıyna baılanysty bas tartty. Olardy da túsinýge bolady. Al jigitter óńirlik tájirıbe jınaý úshin barýǵa daıyn ekenderin aıtty. Sondyqtan da olar iriktelgen 50 adamnyń qatarynda bolady. Óıtkeni Prezıdentke sondaı adamdar kerek. «Ózimdi-ózim teksereıin dep keldim» deıtinder kerek emes», - dedi Anar Jaıylǵanova.


Seriktester jańalyqtary

Jańalyqtar

Úrdis

MURAǴAT