+7 (701) 759 90 19
USD 430.26 EUR 515.32
RUB 5.61 CNY 65.99
Jańalyqtar

Membaǵdarlamalar boıynsha salynǵan turǵyn úı baǵasy qymbattaı ma

2021 jylǵy 26 aqpan 17:59
Bólisińiz:
Membaǵdarlamalar boıynsha salynǵan turǵyn úı baǵasy qymbattaı ma

ALMATY. QazAqparat— Qazaqstandaǵy baspana baǵasynyń qymbattaýyna ne sebep jáne memlekettik baǵdarlama boıynsha turǵyzylǵan baspana baǵasy kóterile me? Halyqtyń kókeıinde júrgen suraqqa «Otbasy bank» AQ Almaty fılıaly dırektorynyń orynbasary Danagúl Túsipova jaýap berdi, dep habarlaıdy QazAqparat tilshisi.

Uqsas jańalyqtar
Almaty taýlarynda qar kóshkini qaýpi saqtalady Almatyda qalalyq basqarmanyń basshysy óziniń «ustalǵandyǵy» týraly qaýesetke qatysty pikir bildirdi Almatynyń shetki aýdandarynda birneshe emhana qurylysy bastaldy

Onlaın brıfıng barysynda memlekettik baǵdarlamamen salynǵan baspana baǵasy qymbattaı ma degen suraqqa jaýap berildi.

«Áleýmettik baspana «Nurly jer« memlekettik baǵdarlamasy aıasynda turǵyzylady. Saıyp kelgende baǵasy da baǵdarlama boıynsha engiziledi. ıAǵnı, baspana qymbattamaıdy. Búgingi tańda Almaty boıynsha «Shańyraq« memlekettik baǵdarlamasymen salynatyn baspananyń sharshy metriniń baǵasy 240 myń teńgege deıin», -dedi maman.

Bank qyzmetkeri qazirgi tańdaǵy baspananyń qymbattaý sebebin túsindirdi.

«Iıa, biz shyn máninde birinshi jáne ekinshi naryqtaǵy baǵany baqylap otyramyz. Baspana qymbattaǵan. Biraq, bul qubylys tutynýshylardyń zeınetaqy qorynan aqshasyn sheshýine baılanysty dep aıta almaımyn. Óıtkeni, Qazaqstanda tek 700 myń adam ǵana zeınetaqy qorynan óz salymdaryn ala alatyny áý bastan aıtyldy. Búgingi tańda olardyń tek 10 myńy ǵana óz jınaq aqshasyn alǵan. Bul degenimiz zeınetaqy jınaǵyn baspana alýǵa paıdalanbaıtynyn kórsetedi»- dedi Danagúl Túsipova.

Onyń aıtýynsha, zeınetaqy jınaǵyna ótinish beretinderdiń basym kópshiligi ekinshi deńgeıli bankterden jáne «Otbasy bankinen» alǵan ıpotekalyq nesıelerin bólip tóleıtinder nemese tolyq jabatyndar. Tutynýshylardyń basym kópshiliginiń zeınetaqy salymy 500-den 1,5 mıllıon teńge aralyǵynda. Demek, baspana alýǵa jetpeıdi.

«Iıa, halyq arasynda qarbalas týdy. Biraq, baǵanyń qymbattaýyna turǵyn úı salýshylar sebep bolyp otyr. Baspana salýdyń kezeńi bar: birinshi kezeńde baǵa arzan bolady. Al úı aıaqtalýǵa shaq qalǵanda baǵasy kóterilip ketedi. Bul turǵyn úı salýshylardyń kózdegen saıasaty. Sondaı-aq, ekinshi naryq bar. Onda satýshylar baǵany ózderi qoıady»,- deıdi bank mamany.

Dana Túsipovanyń aıtýynsha, baspana baǵasy jyldyń ekinshi jartysynda arzandaıdy. Sondaı-aq Almaty qalasynyń turǵyn úı saıasaty basqarmasy basshysynyń orynbasary Ermek Ámirovtiń sózine qaraǵanda, bıyl qalada 8000 adam baspanamen qamtamasyz etiledi.

Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Uqsas jańalyqtar
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT