Mektepterde matematıka oqýshylardy topqa bólip oqytylmaq - mınıstr
2022 jylǵy 27 qańtar 15:01

Mektepterde matematıka oqýshylardy topqa bólip oqytylmaq - mınıstr

NUR-SULTAN. QazAqparat – Mektepterde matematıka páni oqýshylardy eki topqa bólip oqytylmaq. Bul týraly QR Bilim jáne ǵylym mınıstri Ashat Aımaǵambetov aıtty , dep habarlaıdy QazAqparat tilshisi.

«Memleket basshysy tehnıkalyq mamandardy daıyndaý boıynsha tapsyrma berdi. Osy tapsyrmany oryndaýǵa matematıkalyq bilimdi damytý óz septigin tıgizeri sózsiz. Sondyqtan biz birinshiden, matamatıkany mektepterde topqa bólip oqytý máselesin qarastyryp, usynyp, ony engizýge daıyndalyp jatyrmyz.

Ekinshiden, tehnologııa, eńbekke baýlý máselesi de óte mańyzdy. Sol sebepti bul pándi de bólip oqytý kerek. Kezinde solaı bolǵan. Endi sol tártipke qaıtyp kelýimiz qajet», - dedi Ashat Aımaǵambetov Bilim jáne ǵylym mınıstrliginiń keńeıtilgen alqa otyrysynda.

Mınıstrdiń dereginshe, bıyl 200 mektep salynyp, 2 myń pándik kabınet satyp alynady. 300 balabaqsha ashylady.

«Bilim berý statıstıkasyn ashamyz. Bizde Ulttyq bilim berý derekter bazasy degen bar. Jeke derekterden basqa barlyq derekterdi ashýymyz kerek. Árıne, statıstıkany ashqanda da ol kezeń-kezeńmen isteletin jumys. Degenmen, bul statıstıka barlyq qoǵamǵa ashyq, túsinikti bolýy kerek. Qoǵamnyń baqylaýy bolýy qajet», - dedi ol.


Jańalyqtar

MURAǴAT