+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Mektepterde beınebaqylaý júıesine jaýapty qyzmetker  bekitiledi

2019 jylǵy 21 qarasha 17:56
Bólisińiz:
Mektepterde beınebaqylaý júıesine jaýapty qyzmetker  bekitiledi

NUR-SULTAN. QazAqparat - QR Bilim jáne ǵylym mınıstrliginde oblystardyń bilim basqarmalary basshylarynyń qatysýymen balalardyń qaýipsizdigin qamtamasyz etý máselesi boıynsha keńes ótti, dep habarlaıdy QazAqparat tilshisi.

Uqsas jańalyqtar
Ashat Aımaǵambetov bilim salasyndaǵy plagıatpen kúresetin júıe týraly aıtty Bilim mınıstri jańa álipbıde jazylǵan oqýlyqtar qashan shyǵarylatynyn aıtty Bektas Beknazarov Bilim mınıstrine: Reformalardyń sanyn emes, sapasyn arttyrý kerek

Vedomstvo málimetinshe, keńes barysynda jergilikti atqarýshy organdar árdaıym oryndaı bermeıtin qoldanystaǵy normatıvtik qujattarda kózdelgen qaýipsizdik sharalary atalyp ótilgen.

Olar:

1. QR BǴM jáne ІІM-niń beınebaqylaý júıesi arnaıy bólingen úı-jaıda nemese ortalyqtandyrylǵan kúzet beketinde (bar bolsa) ornatylatyn «Mektepke deıingi jáne orta bilim berý uıymdaryn beınebaqylaý júıeleri men jaraqtandyrýǵa qoıylatyn standarttar men talaptardy bekitý týraly» birlesken buıryǵy. Aqparattyń saqtalý merzimi – 30 táýlikten kem emes.

2. Beınebaqylaý júıesin ornatý jáne jumys isteýi negizge alynǵan QR BǴM-nyń «Mektepke deıingi jáne orta bilim berý uıymdaryn, sondaı-aq, arnaıy bilim berý uıymdaryn jabdyqtarmen jáne jıhazben jaraqtandyrý normalaryn bekitý týraly» buıryǵyna sáıkes beınebaqylaý júıesin mindetti ornatý qarastyrylǵan.

Osyǵan baılanysty, óńirlik bilim basqarmalaryna kelesi mindetterdi atqarý qajet:

- birinshiden, normatıvtik talaptarǵa sáıkes keletin beınebaqylaý júıelerimen barlyq bilim berý uıymdaryn qamtamasyz etý boıynsha sharalar qabyldaý; Balalardyń bilim berý uıymdarynda bolý kezeńinde shtattan tys jaǵdaılarda ýaqytyly áreket etý úshin sabaq kestesine, sektsııalar men úıirmelerge sáıkes beınebaqylaý júıesine jaýapty qyzmetker belgileý;

- ekinshiden, barlyq mektepke deıingi jáne orta bilim berý uıymdarynyń beınebaqylaý júıesin Іshki ister organdarynyń jedel basqarý ortalyǵyna qosý máselesin kóterý;

- úshinshiden, mektepter men balabaqshalar aýmaǵynda ótkizý pýnktimen qamtamasyz etý boıynsha sharalar qabyldaý; bilim berý uıymdarynyń jarǵylarynda bógde adamdardyń, onyń ishinde balalardyń ata-analary men zańdy ókilderiniń, olardyń jaqyndary men týystarynyń bolý tártibin qarastyrý, osy máselelerdi bilim berý uıymdarynyń ata-analar jáne qamqorshylyq keńesterimen talqylaý;

- tórtinshiden, bilim berý uıymdarynyń aýmaǵyn sáýlet, qala qurylysy jáne qurylys salasyndaǵy memlekettik normatıvterdiń talaptaryna sáıkes barlyq sheńber boıynsha qorshaýmen qamtamasyz etý;

- besinshiden, mindetti talaptarǵa jaýap beretin bilim berý uıymdarynyń ǵımarattarynda jyly dárethanalardy jabdyqtaý úshin jospardy bekitý jáne qarajat bólý;

- altynshydan, oblys ortalyqtarynyń, qalalyq jáne basqa da iri bilim berý uıymdarynyń jaǵdaıynda bilim berý uıymdarynda arnaıy kúzet qyzmetine ruqsat bere otyryp, olardyń jumysyn úılestirýdi eskerý mindetti;

- jetinshiden, balalardyń qaýipsizdik sharalaryn qamtamasyz etý jáne kúsheıtý boıynsha nusqaýlyqtyń oryndalýyn qamtamasyz etý.

«Bilim berý qyzmetkerleriniń tamyz keńesindegi usynymdaryn iske asyrý aıasynda bilim berý uıymdaryn sport zaldarmen jáne jyly dárethanalarmen qamtamasyz etý boıynsha sharalar atqarylýda. Atalǵan máselelerdi sheshý joldary QR Bilim jáne ǵylymdy damytýdyń 2020-2025 jyldarǵa arnalǵan jańa memlekettik baǵdarlamasyn ázirleý barysynda qarastyrylýda», - dep atap ótedi mınıstrlikten.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT