Mektepten qaıtyp kele jatqan: Almatyda er adam oqýshy qyzdy tonaǵan
2021 jylǵy 26 qarasha 12:42

Mektepten qaıtyp kele jatqan: Almatyda er adam oqýshy qyzdy tonaǵan

ALMATY. QazAqparat - Almatyda jasóspirim qyzdy tonap ketken er adam ustaldy, dep habarlaıdy QazAqparat tilshisi.

Almaty qalalyq Polıtsııa departamentiniń málimetinshe, kámeletke tolmaǵan qyzdyń anasy polıtsııaǵa aryz túsirgen.

Onyń aıtýynsha, qyzy mektepten kele jatqanda belgisiz bireý onyń qolynan IRhone uıaly telefonyn tartyp alǵan. Polıtsııa qyzmetkerleriniń jedel áreketi nátıjesinde kúdikti qamaýǵa alyndy.

«Polıtsııaǵa jetkizilgen 28 jastaǵy kúdikti kinásin moıyndady. Aıǵaqty zat retinde telefon tárkilendi jáne ıesine qaıtaryldy. Ustalǵan azamat ýaqytsha ustaý ızolıatoryna qamaldy. Atalǵan fakti boıynsha QR QK-niń 191-baby 1-bóligine sáıkes qylmystyq is qozǵaldy», – dedi Almaty qalalyq Polıtsııa departamenti Krımınaldyq polıtsııa basqarmasynyń bastyǵy Qýatbek Naýatov.

Qazir kúdiktiniń osyǵan uqsas buryn jasalǵan qylmystarǵa qatystylyǵy anyqtalyp jatyr.


Uqsas jańalyqtar

Jańalyqtar

Úrdis

MURAǴAT