Jańalyqtar  >
Mektepte oqý jyly 2 aptaǵa uzardy: Mınıstrlik buıryǵy bekitildi
2022 jylǵy 15 tamyz 15:38

Mektepte oqý jyly 2 aptaǵa uzardy: Mınıstrlik buıryǵy bekitildi

NUR-SULTAN. QazAqparat – Elimizdiń Oqý-aǵartý mınıstrligi orta mektepterde oqý jylyn 2 aptaǵa uzartý týraly sheshimin bekitti, dep habarlaıdy QazAqparat tilshisi.

«Oqý-aǵartý mınıstrliginiń apparat jınalysynda jańa oqý jylynyń uzaqtyǵy birinshi synyp oqýshylary úshin - 35 oqý aptasyn, 2-11 synyptar úshin 36 oqý aptasyn quraıtyndyǵy jarııalandy», - delingen vedomstvonyń Telegram-kanalynda jarııalanǵan aqparatta.

Sonymen oqý jyly ishindegi demalys mynadaı bolady:

- kúzgi demalys – 7 kún (2022 jyldyń 31 qazany men 6 qarasha aralyǵy);

- qysqy demalys – 9 kún (2022 jyldyń 31 jeltoqsany men 2023 jyldyń 8 qańtary aralyǵy);

- kóktemgi demalys – 9 kún (2023 jyldyń 18-26 naýryzy aralyǵy).

1 synyptarda 7 kún qosymsha demalys qarastyrylǵan (2023 jyldyń 6-12 aqpany aralyǵy). Al jazǵy demalys 1 maýsymnan 1 qyrkúıekke deıin bolady.

Oqý-aǵartý mınıstriniń buıryǵy tirkelý úshin Ádilet mınıstrligine joldandy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT