+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Mektep kitaphanasyna qajetti kórkem ádebıetterdiń tizimi qurylýda - BǴM

2020 jylǵy 27 qazan 12:31
Bólisińiz:
Mektep kitaphanasyna qajetti kórkem ádebıetterdiń tizimi qurylýda - BǴM

NUR-SULTAN. QazAqparat – Mektep kitaphanasyn qandaı kitaptarmen tolyqtyrý baǵyty zertteldi. Bul týraly QR BǴM «Oqýlyq» Respýblıkalyq ǵylymı-praktıkalyq ortalyǵynyń dırektory Ǵanı Beısenbaev málim etti, dep habarlaıdy QazAqparat tilshisi.

Uqsas jańalyqtar
Álibek Shegebaı: Abaıy bar el eshqashan adaspaıdy

«Kórkem ádebıetpen mektepterdi qamtýǵa baılanysty Memleket basshysy Ulttyq qoǵamdyq senim keńesinde naqty tapsyrma bergen bolatyn. Osyǵan baılanysty «Oqýlyq» ortalyǵy jol kartasyn ázirledi. Jalpy, birinshi kezekte barlyq mektep kitaphanalaryn jetildirý úshin birneshe mindet eskerilgen. Osy oraıda mektep kitaphanalaryn túgeldeı jańǵyrtý arqyly balalardyń qyzyǵýshylyǵyn arttyrýǵa mán berilip otyr. Mektep kitaphanashylarynyń áleýetin kóterý, kórkem ádebıetpen tolyqtyrý máselesine basa nazar aýdarý qajettigine ekpin qoıyldy», - dep toqtaldy Ǵ. Beısenbaev Bilim mınıstrliginiń apparat jınalysynda.

Onyń sózine qaraǵanda, mektep kitaphanalaryn negizinen tórt baǵyttaǵy ádebıettermen qamtý josparlanǵan. Bul turǵyda anyqtamalyq basylymdar, ǵylymı tanymdyq, otandyq ári álemdik eń úzdik shyǵarmalar toptamasy, qosymsha oqý ádistemelik ádebıetter qamtylady.

«Osylardyń barlyǵy mektep kitaphanasynda óte qajet bolyp tur. Bul baǵyttaǵy tıisti ınstıtýttardyń mamandary óz úlesterin qosyp, jol kartasyn iske asyrýǵa atsalysýda. Jalpy, mektep kitaphanasynyń tıisti talaptarǵa sáıkes bolýy úshin kitaphanashylardyń da kadrlyq áleýetin kóterý máselesine ekpin qoıylýda. Búkil kitaphanalardy tsıfrlyq tehnologııalarmen tolyqtyrý jaǵy da qolǵa alyndy», - dedi ortalyq basshysy.

«Jumys toby aýqymdy sharalardy bastap ketti. Qazaqstan boıynsha shyqqan kórkem ádebıetterdiń tizimi daıyndaldy. Onyń ishinde 30 myńnan astam ádebıettiń arasynda irikteý jumystary júrgizildi. Osy oraıda árqaısysyn bastaýysh mektepke, jalpy mektepke, kolledjge, joǵary oqý ornyna kerekti kórkem ádebıet tizbesin iriktep, sodan keıin 5 myńǵa jýyq kitap qaldy. Bul tizimdi ary qaraı shyńdaý baǵytynda tıisti ınstıtýttar pysyqtaý sharalaryn atqardy. Komıssııa jumysynda mektep kitaphanasyna qajetti kórkem ádebıetterdiń tizimin quramyz», - dedi Ǵanı Beısenbaev.

Budan buryn habarlanǵandaı, jaqynda Ulttyq qoǵamdyq senim keńesiniń 4-otyrysynda Memleket basshysy Qasym-Jomart Toqaev dástúrli kitaphananyń aǵartýshylyq róli eshqashan mánin joǵaltpaıtynyn aıtqan edi.

«Taǵy bir mańyzdy mindet - mektep kitaphanalarynyń kitap qoryn jańalaý jáne tolyqtyrý. Qazir bul kitaphanalardyń qory eskirgen ári jutań. Ásirese, kórkem týyndylar men tartymdy ádebıetter tapshy. Qazaq tilindegi tıisti ádebıetter óte az nemese múldem joq», - dedi Memleket basshysy.

Qazaqstan Prezıdentiniń atap ótýinshe, oqýshylardyń álem ádebıeti klassıkteriniń shyǵarmalaryna qoly jete bermeıdi.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT