Mektep kitaphanasyna eń kóp alynǵan romandar — «Abaı joly» men «Ushqan uıa»
2022 jylǵy 21 maýsym 15:22

Mektep kitaphanasyna eń kóp alynǵan romandar — «Abaı joly» men «Ushqan uıa»

NUR-SULTAN. QazAqparat – Mektep kitaphanasyna eń kóp satyp alynǵan kitaptar qatarynda Muhtar Áýezovtyń «Abaı joly» men Baýyrjan Momyshulynyń «Ushqan uıa» romany tur. Bul týraly Bilim berý mazmunyn saraptaý respýblıkalyq ǵylymı-praktıkalyq ortalyǵynyń dırektory Eldos Nurlanov aıtty, dep habarlaıdy QazAqparat tilshisi.

«Búgingi tańda mektep kitaphanalary qorynyń tolyǵýyn kórip otyrmyz. Onyń 89 paıyzyn kórkem ádebıet qurasa, qalǵan 11 paıyzyn derekti, fantastıkalyq jáne basqa da týyndylar quraǵan. Olardyń úles salmaǵyn alyp qaraıtyn bolsaq, negizinen bastaýysh synyptarǵa, odan keıin negizgi orta synyptarǵa, sodan soń joǵary synyptarǵa tıesili», - dedi ortalyq basshysy Oqý-aǵartý mınıstrliginiń apparat jınalysynda.

Onyń dereginshe, mektep kitaphanalarynyń kitap qory 2 mıllıon danadan astam kitappen tolyqqan.

«Satyp alynǵan kórkem ádebıetterdiń ishinde eń tanymaly qaısysy deıtin bolsaq, onda «Abaı joly» birinshi orynda turǵanyn kóremiz. Ekinshi orynda Baýyrjan Momyshulynyń «Ushqan uıa» shyǵarmasy, odan keıin Abaıdyń qara sózderi turǵanyn kóremiz. Álem ádebıetin alyp qarasaq, Mark Tvenniń «Geklberrı Fınniń bastan keshkenderi», odan keıin Paýlo Koelonyń «Alhımık» shyǵarmasy tur», - dedi Eldos Nurlanov.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT