Mektep ashanasynda jarty lıtr sý baǵasy 350 teńge – mınıstr máseleni sheshý týraly aıtty
2022 jylǵy 21 maýsym 11:17

Mektep ashanasynda jarty lıtr sý baǵasy 350 teńge – mınıstr máseleni sheshý týraly aıtty

NUR-SULTAN. QazAqparat – Mektep ashanalaryndaǵy as mázirin qaıta qaraý kerek. Bul týraly QR Oqý-aǵartý mınıstri Ashat Aımaǵambetov aıtty, dep habarlaıdy QazAqparat tilshisi.

Mınıstrliktiń apparat jınalysynda Ashat Aımaǵambetov mektepterde balalardy ystyq tamaqpen qamtamasyz etý máselesine toqtaldy.

«Qazir ystyq tamaqpen qamtamasyz etý kórsetkishi ósip otyr deımiz. Biraq odan bólek qazirdiń ózinde ystyq tamaqpen qamtamasyz etip otyrǵan ashanalardyń jumysyn jetildirýde júıeli jumys bolýy kerek. Ol boıynsha komıtet tısti zańnamalyq ózgerister daıyndady. As mázirin Densaýlyq saqtaý mınıstrligimen birge jańadan qaraýymyz kerek», - dedi ol.

Mınıstr mektep býfetterinde baǵaǵa qatysty da probemanyń bar ekendigin basa aıtty.

«Ár bilim bólimi, ár bilim basqarmasy buǵan kóńil bólýi kerek. Elorda mektepteriniń ózinde baǵanyń ósýi bar. 0,5 lıtr sýdyń baǵasy 350 teńge degen masqara. Basqa oblystar da mektep ashanalaryndaǵy baǵany qarańyzdar. Osy máseleni júıeli sheshý úshin tıisti zańnamalyq ózgerister engizemiz. Jańa oqý jylyna deıin bul problema sheshilýi kerek», - dedi Ashat Aımaǵambetov.

Sonymen qatar ol balalardy qaýipsiz tapsymaldaý úshin bıyl 515 avtobýs satyp alynatyndyǵyn atap ótti.

«Ol jumysty tamyz aıyna deıin bitirýimiz kerek. Keıbir óńirler bul jumysty áli bastaǵan da joq. Biz respýblıkalyq deńgeıde bul máseleni sizderge sheshtik, tıisti quraldardy berdik. Másele jalpy sheshilip otyr. Endi sony aıaǵyna deıin jetkizip, jumysty jańa oqý jylynyń basyna deıin bitirý qajet», - dedi mınıstr.

Jańalyqtar

Úrdis

MURAǴAT