+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Medıtsınalyq uıymdardyń jumysyn qadaǵalaıtyn halyqtyq baqylaý quramyz - Alekseı Tsoı

2020 jylǵy 11 shilde 17:11
Bólisińiz:
Medıtsınalyq uıymdardyń jumysyn qadaǵalaıtyn halyqtyq baqylaý quramyz - Alekseı Tsoı

NUR-SULTAN. QazAqparat - QR Densaýlyq saqtaý mınıstri Alekseı Tsoı aýrýhanada emdelip jatqan naýqastarǵa dári-dármek jetpeı jatqany týraly áleýmettik jelide taraǵan vıdeoǵa qatysty jaýap berdi, dep habarlaıdy QazAqparat tilshisi.

Uqsas jańalyqtar
Koronavırýstan emdelip jatqan 199 adamnyń jaǵdaıy nashar 660 naýqas koronavırýs indetinen emdelip shyqty Ótken táýlikte 826 adamnan koronavırýs ınfektsııasy tabyldy

«Dostar, Facebook-ten Aıda Boqaevanyń úndeýin kórdim. Áleýmettik jeli qoldanýshylary onyń baılanys nómirin berdi. Oǵan habarlastym», - dep jazdy Densaýlyq saqtaý mınıstri Facebook -tegi paraqshasynda.

Onyń aıtýynsha, Aıda Boqaeva birneshe aı boıy qoǵamdyq bastamalarǵa qatysyp, aýrýhanadaǵy dárigerlerge kómektesip, naýqastarǵa qamqor bolyp, eden jýyp, sýsyn ákeledi.

«Ol aýrýhanada dárigerler qalaı erlikpen jumys istep júrgenin, sonaı-aq jumys barysynda kezdesetin máseleler týraly da aıtty. Mundaıǵa beı-jaı qaramaıtyn adamdar maǵan halyqqa jaǵdaı qalaı bolyp jatqanyn kórsetý, emdeý boıynsha usynymdar jáne durystap kómek kórsetý týraly ótinishterin aıtady. Biz medıtsınalyq mekeme ishinde ne bolyp jatqanyn qaraıtyn adamdardan halyqtyq baqylaý quramyz dep kelistik. Bul jaǵdaı qalaı bolyp jatqanyn baǵalaý úshin, qalaı kómektesýge bolatyny týraly usynym jasaý, dári-dármek jetkilikti me ekenin baqylaý, naýqastarǵa qalaı qyzmet kórsetiletinin qaraý, basshylyq ujym men naýqastarǵa qalaı kóńil bóletinin baqylaý úshin qajet», - deıdi Alekseı Tsoı.

Sondaı-aq, ol qajet bolǵan jaǵdaıda, ásirese jemqorlyq jáne qaıta satý sıpatty jaǵdaılar boıynsha qatań sharalar qoldanatynyn jetkizdi.

«Aıda bul jumysty óz qolyna alyp, aımaqtardy aralaýǵa ázir ekenin bildirdi. Biz aımaqtar boıynsha osyndaı jumysqa óz erkimen qatysýǵa daıyn meıirimdi jandardy izdeımiz. Ulttyq volonterler júıesi osy jobaǵa qatysýǵa nıet bildirdi. Medıtsınalyq mekemelerge kirýdi biz qamtamasyz etemiz. Sońynda jaǵdaıdy jaqsartý boıynsha naqty sheshim qabyldaımyz.

Qazirgi ýaqytta qoǵam jaǵdaıdy turaqtandyrý úshin bas biriktirdi jáne bul úlken úmit oıatady», - deıdi ol.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT