+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Medıtsına ýnıversıtetteri doktoranttarǵa joǵarylatylǵan shákirtaqy tólemeı otyr

2020 jylǵy 20 qazan 12:21
Bólisińiz:
Medıtsına ýnıversıtetteri doktoranttarǵa joǵarylatylǵan shákirtaqy tólemeı otyr

NUR-SULTAN. QazAqparat - Elimizdegi medıtsına ýnıversıtetteri doktoranttarǵa joǵarylatylǵan shákirtaqy tólemeı otyr. Bul týraly QR Bilim jáne ǵylym mınıstrligi joǵary jáne joǵary oqý ornynan keıingi bilim departamentiniń dırektory Ádilet Toıbaev aıtty, dep habarlaıdy QazAqparat tilshisi.

«Memleket basshysynyń 2019 jylǵy 10 qazanda bergen tapsyrmasy boıynsha shákirtaqy joǵary oqý oryndarynda barlyq deńgeıde 25 paıyzǵa ósken bolatyn. Osylaısha, bakalavrıat deńgeıinde shákirtaqy 26 186 teńgege, magıstratýrada 66 913 teńgege, doktorantýrada 102 498 teńgege kóterildi. Bul shákirtaqy 2020 jyldyń 1 qańtarynan tólene bastady. Osy jyldyń 1 qyrkúıeginen bastap shákirtaqy taǵy ósti. Bul Memleket basshysynyń Ulttyq qoǵamdyq senim keńesi otyrysynda bergen tapsyrmasy aıasynda iske asyrylǵan edi. Shákirtaqy mólsheri bolashaq pedagogtar men doktorantýrada bilim alýshylarǵa ulǵaıtyldy», - dedi ol mınıstrliktiń apparat keńesinde.

Onyń aıtýynsha, qazirgi ýaqytta pedagogıka mamandyǵy boıynsha shákirtaqy mólsheri 42 myń teńgege deıin, al doktorantýrada 150 myń teńgege deıin ósti.

«Bul pedagogıkalyq mamandyqtardyń tartymdylyǵyn arttyrady jáne doktorantýrada ǵylymı-zertteý jumystarymen aınalysýǵa kóbirek múmkindik beredi dep oılaımyz. Qazirgi ýaqytta osy shákirtaqy 1 qyrkúıekten bastap pedagog mamandaryn daıyndaıtyn 47 JOO-nyń 45-inde berile bastady. Al eki joǵary oqý ornyna 30 qyrkúıekte joǵarylatylǵan shákirtaqy tóledi. Doktorantýra boıynsha 55 joǵary oqý orny bar. Sonyń 47-si ulǵaıtylǵan shákirtaqy berdi. Al 8 JOO shákirtaqyny burynǵy deńgeımen tólegen. Olardyń kóbisi medıtsınalyq ýnıversıtetter bolyp otyr», - dedi Ádilet Toıbaev.

Komıtet basshysynyń aıtýynsha, bul másele boıynsha Densaýlyq saqtaý mınıstrligimen jumys júrgizildi. Jaqyn arada atalǵan ýnıversıtetter doktoranttarǵa joǵarylatylǵan shákirtaqy tóleıdi.


Bizdiń kanalymyzǵa jazylyńyz:

#Bilim   #Medıtsına   #Qarjy  
Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT