+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Medıtsınalyq saqtandyrý qory patsıent quqyǵyn qorǵaýǵa baǵyttalǵan 6 ádisti atady

2020 jylǵy 18 qyrkúıek 14:30
Bólisińiz:
Medıtsınalyq saqtandyrý qory patsıent quqyǵyn qorǵaýǵa baǵyttalǵan 6 ádisti atady

NUR-SULTAN. QazAqparat – Áleýmettik medıtsınalyq saqtandyrý qoryna patsıent quqyǵyn qorǵaıtyn 6 ádisti atady, dep habarlaıdy QazAqparat.

Uqsas jańalyqtar
Tarazdyq dárigerler endoprotez qoıýdyń jańa túrin oılap tapty Bekshın almatylyqtardy toı jasamaýǵa shaqyrdy Qazaqstanda qoǵamdyq baqylaý isi zańmen retteletin bolady

Qordyń baspasóz qyzmeti taratqan málimetterge qaraǵanda, áleýmettik medıtsınalyq saqtandyrý qoryna kún saıyn patsıentterden medıtsınalyq uıymdarda kórsetiletin medıtsınalyq qyzmet sapasyna qatysty túrli suraq keledi.

Qordyń negizgi mindetteriniń biri - patsıenttiń quqyǵyn qorǵaý. Osyǵan baılanysty Qor sarapshylary medıtsınalyq kómektiń sapasyna monıtorıng júrgizedi, sondaı-aq naýqasqa ne sebepten qyzmet kórsetilmegenin tekseredi.

Medıtsınalyq uıymda qyzmet kórsetýge qatysty túsinispeýshilik týyndasa, kóbinese azamattar patsıent retinde óz quqyǵyn qorǵaý úshin qaıda júginý kerek ekenin bilmeıdi.

Sondyqtan Qor «patsıent quqyqyǵyn qorǵaýdyń 6 tásili» degen jadynama-keńes daıyndady:

1. Máseleni jyldam sheshý úshin mán-jaıdy sol jerde túsinýge tyrysyńyz. Ol úshin árbir medıtsınalyq uıymda patsıentti qoldaý jáne ishki saraptama qyzmeti jumys isteıdi. Ol medıtsınalyq qyzmettiń sapasyn, olardyń tolyqtyǵyn jáne standarttarǵa sáıkestigin baqylaý úshin qurylǵan. Bul qyzmet medıtsınalyq uıymdaǵy medıtsınalyq kómektiń sapasyna jáne klınıkalyq qyzmetke ishki taldaý júrgizedi, medıtsınalyq qyzmet kórsetý standarttary men tártiptiń buzylýyn anyqtaıdy. Sondaı-aq, azamattardan kelgen ótinish, shaǵymdardy qaraıdy. Sondyqtan, ýaqyt joǵaltpaı birden patsıentti qoldaý qyzmetine habarlasyp, jaǵdaıdy sol jerde sheshýge, kómek pen aqparat alýǵa bolady.

2. Eger patsıentti qoldaý qyzmeti túıitkildi sheshe almasa jáne sizdiń máseleńiz medıtsınalyq kómekti uıymdastyrýǵa qatysty bolsa, onda óńirdegi Densaýlyq saqtaý basqarmasynyń baılanys-ortalyǵyna júginińiz. Barlyq medıtsınalyq uıym Densaýlyq saqtaý basqarmasyna qarasty, sondyqtan baılanys-ortalyǵynyń qyzmetkerleri uıymǵa tikeleı habarlasyp, máseleni sheshýge yqpal ete alady.

3. Áleýmettik medıtsınalyq saqtandyrý qorynda keri baılanys úshin birneshe arna bar. Mysaly, Qoldau 24/7 mobıldi qosymshasy arqyly (Play Market jáne App Store ornatýǵa bolady) ótinish qaldyrýǵa bolady. Ótinishke nómir beriledi, sodan keıin óńdeýge alynady. Ony Qor mamandary qaraıdy. Olar medıtsınalyq uıymmen baılanysqa shyǵyp, aqparat suratady, medıtsınalyq kómek kórsetý nemese kórsetýden bas tartý sebepterin tekseredi.

4.Telefonǵa qosymsha ornatýdy unatpaıtyndar úshin Telegram-da Saqtandyrubot arqyly ótinish berý múmkindigi qarastyrylǵan. «Negizgi mázir» pármenin basqannan keıin birneshe bólim bar. «1406-ǵa ótinish jiberý» tańdańyz. Bot «ótinishti jiberý» jáne «ótinishterdiń tarıhyn» usynady, osylaısha ótinimniń mártebesin tekserýge bolady. Ótinishte bot komandalaryna sáıkes óńir, medıtsınalyq uıymnyń ataýy jáne máseleniń máni kórsetiledi.

5. 1406 biryńǵaı baılanys ortalyǵy táýlik boıy qońyraý qabyldaıdy jáne ótinishterdi úsh deńgeıli model boıynsha qarastyrady. Birinshi deńgeıge konsýltatsııalyq sıpattaǵy máseleler jatady. Ekinshi jáne úshinshi - egjeı-tegjeıli zertteýdi qajet etetin ótinishter. Qordyń mamandary medıtsınalyq uıymmen baılanysady, aqparat suratady, medıtsınalyq kómek kórsetý nemese kórsetýden bas tartý sebepterin tekseredi.

6.Resmı saıt paıdalanýshylarǵa Áleýmettik medıtsınalyq saqtandyrý qorynyń fms.kz saıtyna kirip ótinish jasaǵan yńǵaıly jáne «Halyqtyq baqylaý» bóliminenqajetti tapsyrmany tańdańyz: shaǵymdaný nemese usynys qaldyrý. Birinshi jaǵdaıda aımaq, emhana, dıagnoz, kelý kúni, JSN nómeri kórsetiledi jáne shaǵymnyń sebepteriniń biri tańdalady. Usynysty bos óristerge jibergen kezde bastapqy derekterdi toltyryp, mátindi tujyrymdaý kerek.

Áleýmettik medıtsınalyq saqtandyrý qory halyqpen dıalogqa qyzyǵýshylyq tanytatynyn atap kórsetedi. Eń aldymen, patsıentterdiń ótinishteri Áleýmettik medıtsınalyq saqtandyrý qorynyń jetkizýshileri kórsetetin medıtsınalyq qyzmetterdiń qoljetimdiligi men sapasyna áser etýge múmkindik beredi.


Bizdiń kanalymyzǵa jazylyńyz:

Bólisińiz:

Avtor:

Gúlzat Aqjolova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT