+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

Medıtsınalyq kadrlyq resýrstardyń ulttyq júıesi qurylady - Asqar Mamın

2019 jylǵy 19 jeltoqsan 11:45
Bólisińiz:
Medıtsınalyq kadrlyq resýrstardyń ulttyq júıesi qurylady - Asqar Mamın

NUR-SULTAN. QazAqparat - Búgin Úkimet otyrysynda 2020-2025 jyldarǵa arnalǵan densaýlyq saqtaýdy damytý memlekettik baǵdarlamasynyń jobasy maquldandy, dep habarlaıdy QazAqparat tilshisi.

Uqsas jańalyqtar
Asqar Mamın Jańǵyrtý jónindegi ulttyq komıssııanyń otyrysyn ótkizdi Nurlan Noǵaev reseılik áriptesimen kezdesti Jandarbek Bekshın: Beıjińnen ushyp kelgen qazaqstandyqtardy tekserý jalǵasady

Jalpy, «Densaýlyq» memlekettik baǵdarlamasy óziniń tıimdiligin kórsetti. Ony iske asyrý nátıjesinde elimizde negizgi medıtsınalyq-demografııalyq kórsetkishter jaqsardy, ortasha ómir súrý uzaqtyǵy 73 jasqa jetti. Elbasy Nursultan Nazarbaev medıtsınalyq kómektiń sapasyn jaqsartý, alǵashqy medıtsınalyq-sanıtarııalyq kómekke jumsalatyn shyǵystardy ulǵaıtý boıynsha naqty tapsyrmalar berdi. Memleket basshysy Qasym-Jomart Toqaev aýrýlardyń aldyn alý jáne salaýatty ómir saltyn nasıhattaý boıynsha sharalar qabyldaýdy, medıtsınalyq uıymdardyń qadamdyq qoljetimdiligin qamtamasyz etýdi tapsyrdy. Baǵdarlamanyń jobasy osy mańyzdy mindetterdi sheshýge baǵyttalǵan», - dedi A.Mamın.

Onyń atap ótýinshe, birinshiden halyqty salaýatty ómir saltyna beıimdeý úshin qoǵamdyq densaýlyq saqtaý qyzmeti jańǵyrtylady. Jalpy salaýatty ómir salty mádenıetin qalyptastyrýǵa baǵyttalǵan sharalardy keńeıtý josparlanǵan.

«Ekinshiden, medıtsınalyq kómek sapasyn arttyrý, densaýlyq saqtaýdyń biryńǵaı tsıfrlyq keńistigin qurýdy aıaqtaý boıynsha sharalar qabyldanady. Ol úshin aýrýlardy erte anyqtaýǵa yntalandyrý maqsatynda emhanalar men aýrýhanalardy qarjylandyrý jetildiriledi», dedi Úkimet basshysy.

Premer-Mınıstr árbir aımaqta medıtsınalyq qyzmet kórsetýdiń jańa tehnologııalary engizilip jatqan alǵashqy medıtsınalyq kómek kórsetýdiń ozyq tájirıbe ortalyqtaryn damytý jalǵasatynyn, medıtsına qyzmetkerleriniń statýsyn arttyrý úshin medıtsınalyq kadrlyq resýrstardyń ulttyq júıesi qurylatyndyǵyn aıtty.

«Dárigerler men meıirbıkelerdiń jalaqysy orta eseppen 2 ese artyp, olardy áleýmettik qoldaý sharalary kúsheıtiledi. Sondaı-aq kásibı jaýapkershilik sharalary da arttyrylady. Jalpy bir dárigerdiń júktemesi Ekonomıkalyq yntymaqtastyq jáne damý uıymynyń deńgeıine deıin azaıady», — dedi ol.

Úkimet basshysy medıtsına salasyndaǵy ınvestıtsııalyq ahýaldy túbegeıli jaqsartý jáne jobalyq basqarýdy engizý josparlaryn atap ótti.

«Alǵash ret salaǵa 2,8 trln teńge qarjy bólý josparlanǵan, sonyń ishinde 2,2 trln jeke ınvestıtsııalar. Osy qarajat esebinen 431 densaýlyq saqtaý nysan salynady, onyń ishinde 10 myń orynǵa arnalǵan, halyqaralyq deńgeıdegi 19 kópsalaly aýrýhana memlekettik-jekeshelik áriptestik tetigi arqyly salynady. Bul aýrýhanalardaǵy emdeý oryndaryn 50 paıyzǵa ulǵaıtýǵa, medıtsınalyq nysandarynyń tozýyn 56-dan 38 paıyzǵa deıin azaıtýǵa múmkindik beredi. Osy sharalardyń barlyǵy medıtsınalyq ınfraqurylymdy jaqsartýǵa jáne aýrý-syrqaýdyń deńgeıin azaıtýǵa jáne qazaqstandyqtardyń ortasha ómir súrý uzaqtyǵyn 2025 jylǵa qaraı 75 jasqa deıin jetkizýge yqpal etedi», - dedi A. Mamın.

Osydan keıin Premer-Mınıstr jańa baǵdarlama jobasyn maquldaýǵa usynyp, Úkimet músheleri ony biraýyzdan qoldady.

«Sheshim qabyldandy. Densaýlyq saqtaý mınıstrine jyl basynan bastap baǵdarlamany iske qosýdy tapsyramyn. Berdibek Máshbekuly, baqylaýǵa sizge júkteledi», - dedi Premer-Mınıstr orynbasary B.Saparbaevqa qarata.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT