+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Medıtsınalyq avıatsııa mamandary 3 185 patsıentke kómek kórsetti

2020 jylǵy 28 qazan 17:15
Bólisińiz:
Medıtsınalyq avıatsııa mamandary 3 185 patsıentke kómek kórsetti

NUR-SULTAN. QazAqparat - 2020 jyldyń 9 aıynda Ulttyq shuǵyl medıtsınany úılestirý ortalyǵynyń medıtsınalyq avıatsııa jelisi 1 647 ushý oryndady. Bul týraly QR Densaýlyq saqtaý mınıstrliginiń baspasóz qyzmetinen málim etti, dep habarlaıdy QazAqparat tilshisi.

Vedomstvo málimetinshe, osy jyldyń qańtar-qyrkúıeginde medıtsınalyq avıatsııa mamandary 3 185 patsıentke medıtsınalyq kómek kórsetip, 3 684 medıtsınalyq qyzmetti júzege asyrdy. Onyń ishinde 1 896 patsıent tasymaldanyp, 188 naýqasqa keńes berildi. Sonymen qatar mamandar 128 ota jasap, 1 472 telemedıtsınalyq keńes kórsetti. Osy kezeńde medıtsınalyq avıatsııa donorlyq organdardy tasymaldaý maqsatynda 2 ret ushyp shyqty.

Medıtsınalyq avıatsııa balalar patologııasy, jaraqattar, jazataıym oqıǵalar jáne ýlanýlar, akýsherlik-gınekologııalyq patologııa, qan aınalymy júıesiniń aýrýlary, jańa týǵan náresteler patologııasy jáne basqa da aýrýlar kezinde shuǵyl kómek kórsetý úshin attanady.

Aıta keterligi, Ulttyq shuǵyl medıtsınany úılestirý ortalyǵy shetelde qıyn jaǵdaıda jatqan Qazaqstan azamattaryn nemese qandastardy halyqaralyq tasymaldaýdy da uıymdastyrady. Máselen, osy jyldyń 9 aıynda elimizdiń medıtsınalyq avıatsııasynyń kómegimen sheteldik klınıkalardan otandyq medıtsınalyq uıymdarda emdeýin jalǵastyrý úshin QR azamattaryn tasymaldaý maqsatynda 8 ushý oryndaldy.

Jalpy 2011 jyldan bastap jyldyń 9 aıy ishinde otandyq medıtsınalyq avıatsııa Taıland, Túrkııa, Shveıtsarııa, AQSh, Ońtústik Koreıa, Mysyr, Qyrǵyzstan, Qytaı Halyq Respýblıkasy, Reseı Federatsııasy syndy taıaý jáne alys shet elden Qazaqstan azamattaryn elge jetkizý úshin 80 ret ushyp shyqqan bolatyn.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT