Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 384.05 EUR 432.79
RUB 5.96 CNY 55.46
Jańalyqtar

Medıtsınaǵa - 8 mindet: Prezıdent Aqtóbedegi forýmda qandaı tapsyrmalar berdi

2019 jylǵy 22 mamyr 18:48 597
Bólisińiz:
Medıtsınaǵa - 8 mindet: Prezıdent Aqtóbedegi forýmda qandaı tapsyrmalar berdi

AQTÓBE. QazAqparat - Qasym-Jomart Toqaev Aqtóbedegi medıtsınalyq forýmǵa qatysyp, mınıstrlik pen ákimdikke 8 mindet júktedi, dep habarlaıdy QazAqparat tilshisi.

Uqsas jańalyqtar
Mańǵystaýlyq balalar neırohırýrgi 200-den asa ota jasaǵan Aqmolada medıtsınalyq mekemelerge 40 avtokóliktiń sertıfıkaty tapsyryldy

Aqtóbede «Halyqtyń densaýlyǵyn saqtaý: saıasat, ǵylym, bilim, alǵashqy dárigerlik-sanıtarlyq kómek praktıkasy» atty halyqaralyq ǵylymı-tájirıbelik konferentsııa ótti

«Azamattarymyzdyń ómir súrý uzaqtyǵy 6 jylǵa ósti. Sala ınfraqurylymy aıtarlyqtaı jańardy. 219 jańa aýrýhana, 1200-ge jýyq jańa zamanaýı emhana men ambýlatorııa salyndy. Biz biryńǵaı ulttyq densaýlyq saqtaý júıesin engizdik. Endi ár emdelýshi klınıka men dárigerdi ózi tańdaıdy. Tegin dári-dármekpen qamtylǵan adamdar sany 14 paıyzǵa ósti. 2018 jyly 3,6 mıllıon adamǵa osyndaı kómek kórsetildi. Respýblıkalyq klınıkalar buryn tek shetelde jasalatyn kúrdeli otalardy oryndaýda. Alaıda azamattarymyzdyń teń jartysyna jýyǵynyń otandyq medıtsına sapasyna áli de kóńili tolmaıdy. Ana men bala ólimi áli de azaımaı tur. Soǵan baılanysty densaýlyq saqtaý salasynyń sapasyn jaqsartyp, jumsalatyn shyǵyndardy jalpy ishki ónimniń 5 paıyzyna deıin ulǵaıtý mindeti qoıyldy», - dedi Prezıdent.

Medıtsınaǵa 8 mindet júktegen Memleket basshysy aldymen medıtsınalyq qyzmet sapasyn arttyrýǵa toqtaldy.

«Medıtsınalyq-sanıtarlyq kómekke basa nazar aýdarý kerek. Alǵashqy kómek sapasyn arttyrý úshin ýchaskelik dárigerlerdiń jalaqysyn ósirip jatyrmyz. Sapaly medıtsınalyq qyzmet kez kelgen adamǵa qoljetimdi bolýy kerek. Aýylǵa baratyn mobıldi medıtsına júıesin qosyp, telemedıtsına, qashyqtyqtan qyzmet kórsetýdi jandandyramyz. Qazir jyljymaly medıtsınalyq kómek kórsetilip jatyr. Osy maqsatqa 2022 jylǵa deıin respýblıkalyq bıýdjetten 27 mıllıard teńge bólinedi. Mınıstrlik pen ákimdik medıtsınalyq apparattardy satyp alýdyń ashyqtyǵyn qamtamasyz etýi tıis. Osy protsesti ortalyqtandyryp, sapaly medıtsınalyq qurylǵy satyp alýdy qamtamasyz etýdi tapsyramyn. Úkimet osy suraqty baqylaýy kerek», - dedi Memleket basshysy Qasym - Jomart Toqaev.

Ekinshiden, dári-dármek baǵasy men sapasyn baqylaý. Prezıdent naryqta básekelestik bolmaı, azamattar belgili bir dári-dármekti qymbatqa satyp alatynyn jasyrmady. Úshinshiden, dárigerlerdi qyzmetinen tys jumystardan bosatýdy tapsyrdy. ıAǵnı, olar tek emdeý, biliktiligin arttyrý isimen aınalysýy kerek. Bul Halyq densaýlyǵy jáne densaýlyq saqtaý júıesi týraly kodekste bekitiledi.

«Tórtinshiden, aýrýdyń aldyn alý, ońaltý jumystaryn júrgizý. Aýrýdy emdeýden góri aldyn alǵan ońaı. Ony bári biredi. Biraq qazir aldyn alýǵa barlyq qarjynyń tek 4 paıyzy bólinedi. ıAǵnı, 49 mıllıard teńge. Aldaǵy jyldary osy baǵyttaǵy jumysty jandandyrý kerek. Mınıstrlik men ákimdikke aýyl turǵyndaryn skrınıngten ótkizýdi uıymdastyrý tapsyrylady. Adamdar óz densaýlyǵyna jaýapty bolýy tıis. Medıtsınalyq saqtandyrý qorynyń jumysyn da túsindirý kerek. 2019-2021 jyldary 7 óńirge 10 medıtsınalyq mekemeni salý úshin 120 mıllıard teńge bólinedi. Aýdandyq aýrýhana men emhananyń tehnıkalyq bazasy jańarady. Bul jumys 2020 jyldyń aıaǵynda aıaqtalýy tıis. Ýaqyt az, jumys kóp», - dedi Prezıdent.

Kadr sapasyn arttyrý altynshy tapsyrma boldy. Aldaǵy ýaqytta klınıkalardyń bir bóligin joǵary oqý oryndaryna berý mindeti tur. Jetinshiden otandyq medıtsına ǵylymyn damytý kózdeldi. Nur-Sultan, Almaty, Shymkent joǵary medıtsınalyq tehnologııa ortalyǵyna aınalady. 

«Segizinshiden, densaýlyq saqtaý salasyn tsıfrlandyrý. Bul - medıtsınany alǵa jeteleıtin jumys. Biraq qazir tsıfrlandyrý jumysy kóńil kónshitpeı tur. Bul - mindetti medıtsınalyq saqtandyrýdy keıinge shegerýge alyp kelgen kedergi bolatyn. Ár emhana men aýrýhana qujattaryn jeke-jeke jınaıdy, al tapsyrma boıynsha bul aqparat báriniń ortaq bazasynda bolýy kerek. Sondyqtan Úkimetke bul jumysty 2019 jyldyń 1 qazanyna deıin aıaqtaýdy tapsyramyn», - dedi Memleket basshysy.

 

 

Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
MURAǴAT