+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Medıatsııa salasy boıynsha bilikti mamandar qajet - maman

2021 jylǵy 26 qyrkúıek 18:54
Bólisińiz:
Medıatsııa salasy boıynsha bilikti mamandar qajet - maman

ALMATY. QazAqparat - Qazaqstanda medıatsııa týraly zańnyń qabyldanǵanyna bıyl 10 jyl toldy. Kóne bıler sotynyń eki jaqty bitistirý dástúrin jalǵaǵan medıatsııanyń búgingi kúni Almatyda qalaı júzege asyp jatqany jaıly «Halyqaralyq medıatsııa ortalyǵy» Respýblıkalyq qoǵamdyq birlestigi basqarma múshesi Saltanat Abdýhadırova QazAqparat tilshisine aıtyp berdi, dep habarlaıdy QazAqparat tilshisi.

- Saltanat Abdýaqytqyzy, eń aldymen medıatsııanyń qyzmeti jaıly aıtyp ótseńiz, onyń tıimdi tusy qandaı?


- Medıatsııanyń eń tıimdi tusynyń biri - taraptar eń aldymen ýaqyt pen qarjyny únemdeıdi, olardyń ózderi sheshim qabyldaýǵa qatysýy, azamattardyń arasyndaǵy adamgershilik qatynastardyń saqtalýy, qupııalyqtyń saqtalýy, medıatorlardy óz erkimen tańdaý quqyǵy, memlekettik baj salyǵy tólenbeıdi jáne advokattyń qymbat turatyn qyzmetin qajet etpeıtindiginde.
- Medıatsııamen aınalysatyn adamdardy medıatorlar deımiz. Medıatorlarǵa turǵyndar kóbine qandaı máselelermen júginedi?
- Medıatordyń qyzmetine adamdar kóbine azamattyq jáne qylmystyq isterdi retteý maqsatynda júginedi.
- Jalpy, Almatyda medıatsııanyń kómegimen sheshimin tapqan ister bar ma?
- «Halyqaralyq medıatsııa ortalyǵy» RQB Almaty qalasy boıynsha ókildiginiń medıatorlarynyń kómegimen 2021 jyldyń birinshi jartyjyldyǵynda júrgizilgen medıatsııa sany 1532. Onyń ishinde 950 –i onlaın túrde, 531- qylmystyq daý, 585- azamattyq daý, 302- otbasylyq daý, 74-eńbek daýy jáne 40 – halyqaralyq kelisim sheshimin tapty.
- Almatyda medıatsııa qyzmetin odan ári damytý boıynsha jumystar júrýde me?
- Búgingi tańda Almaty qalasynyń ár aýdanynda Medıatsııa aıasyn keńinen qoldaný maqsatynda «Biryńǵaı qyzmet kórsetý ortalyqtary» ashylyp, qyzmet kórsetýde. Bul jobanyń maqsaty: halyq sotqa barmaı-aq, kásibı mamandardyń kómegimen, birneshe suraqty bir jerden tez jáne ońaı sheshýge qol jetkizýine yqpal etý. Almaty qalalyq jáne aýdandyq ákimshilikterinde halyqqa tegin keńes, túsindirý jumystary júrgizilip otyrady.
Joǵarǵy sottyń statıstıkalyq málimetine súıenetin bolsaq, jylyna 4 mıllıonnan asa is qozǵalady. Onyń 90% medıatsııamen retteýge bolatyn azamattar arasyndaǵy qatynastar. Mıllıonnan asa halqy bar Almaty qalasyna medıatsııa salasy boıynsha túsindirý jumystary jáne arnaıy daıyndyqtan ótken bilikti mamandar áli de qajet.
- Bilikti medıator bolý úshin adamnyń boıynda qandaı qasıetter bolý kerek?
- Medıator bolý úshin aldymen zańnyń talaptaryna bilýi kerek. Osy salada jumys jasaý úshin arnaıy daıyndyqtan ótip, sertıfıkat alýy sondaı-aq oıy júırik, kelissózde utymdy jaǵyn kórsete biletin sózge sheshen, bir mámilege kelýge jaǵdaı jasaıtyn «altyn kópir» bola bilýi tıis.
- Áńgimeńizge rahmet.


Bizdiń kanalymyzǵa jazylyńyz:

#Almaty   #Qoǵam   #Zań  
Bólisińiz:

Avtor:

Dýman Arǵyngeldi

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT