+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Medıa, kıno jáne birlesken telearna – Aıda Balaevanyń Túrkııaǵa saparynyń qorytyndysy

2021 jylǵy 7 sáýir 14:41
Bólisińiz:
Medıa, kıno jáne birlesken telearna – Aıda Balaevanyń Túrkııaǵa saparynyń qorytyndysy

NUR-SULTAN. QazAqparat – QR Aqparat jáne qoǵamdyq damý mınıstri Aıda Balaeva Túrkııaǵa resmı saparmen bardy. Sapar aıasynda túrkııalyq áriptestermen qandaı máseleler talqylanyp, qandaı ýaǵdalastyqqa qol jetkizilgenin «QazAqparat» HAA materıalynan oqyńyzdar.

Aıda Balaeva jumys sapary aıasynda Túrkııa Prezıdenti Ákimshiliginiń Qoǵammen baılanys jónindegi basqarmasynyń basshysy Fahrettın Altýnmen, Jastar jáne sport mınıstri Mehmet Kasapoǵlýmen jáne din isteri basqarmasynyń tóraǵasy Alı Erbashpen kezdesýleri nátıjeli ótti.

Mehmet Kasapoǵlýmen kezdesý barysynda Qazaqstannyń Aqparat jáne qoǵamdyq damý mınıstrligi men Túrkııa Respýblıkasynyń Jastar isi jáne sport mınıstrligi arasynda Jastar saıasaty salasyndaǵy ózara túsinistik týraly memorandým jasasý qajettiligi týraly ýaǵdalastyqqa qol jetkizildi.

Yntymaqtastyq boıynsha volonterlik qyzmettegi tájirıbe almasý kózdeledi. Aıda Balaeva 2021 jylǵy 31 naýryzda ótken Túrki keńesiniń beıresmı Sammıtinde memleket basshylarynyń SOVID-19 pandemııasynyń taralýyna jol bermeý úshin birigý jáne áriptestik ornatý qajettigi týraly aıtqanyn eske saldy. Sondaı-aq qazaqstandyq mınıstr eki eldiń jastar kóshbasshylary arasyndaǵy qarym-qatynasty jandandyrý alańy sanalatyn – Túrki keńesiniń IV jastar festıvaliniń bıyl Qazaqstanda ótetinin atap ótti.

Túrkııa Respýblıkasy Din isteri basqarmasynyń tóraǵasy Alı Erbashpen kezdesýde mınıstr Aıda Balaeva Túrkııa ýnıversıtetterinde Qazaqstan musylmandary dinı basqarmasynyń jiberýimen qazaqstandyq teologtardy daıarlaýdaǵy yntymaqtastyqty odan ári tereńdetý men nyǵaıtýǵa múddelilik bildirdi.

Sonymen qatar mınıstr Túrkııanyń televızııa naryǵy kóshbasshylarynyń basshylarymen kezdesti. Atap aıtqanda, «TRT» memlekettik tele-radıokompanııasynyń basshysy Ibrahım Erenmen, Túrkııanyń «Anadolu» aqparattyq agenttiginiń basshylyǵymen jáne Ystanbuldaǵy teleserıaldar túsirý alańynyń dırektory ıAheı Taıp Aıdenızmen kezdesýler ótti.

Mınıstrlik birlesken kontent qurý, onyń ishinde ortaq túrki mádenıeti men tarıhyn tanymal etý máseleleri boıynsha televızııalyq ónimderdiń túrik óndirýshilerimen yntymaqtastyǵynyń kólemi men sapasyn arttyrýǵa daıyn. Aıta keteý kerek, «Qazaqstan» RTRK men Túrkııanyń «TRT» memlekettik tele-radıokompanııasy arasynda «Qorqyt ata» birlesken televızııalyq jobasyn qurý týraly kelissózderdi bastaý týraly kelisimge qol jetkizildi.

Sondaı-aq, Túrik tarapy túsirgen Qoja Ahmet ıAsaýı týraly telehıkaıanyń kórsetilimi Qazaqstan kórermenderine de taıaý arada kórsetiletini belgili boldy.

Televızııalyq mamandardyń tájirıbe almasýy aıasynda Aıda Balaeva Túrkııanyń jetekshi mamandaryn qazaqstandyq áriptesterin oqytýǵa jáne úıretýge shaqyrdy.

Ol bul baǵyttaǵy jumysty pandemııa kezindegi epıdemıologııalyq jaǵdaı turaqtalǵannan keıin oflaın-formatta uıymdastyrýǵa bolatyndyǵyn atap ótti. Mınıstr Túrkııanyń medıa salasy men shyǵarmashylyq toptarynyń ókilderin osy jyly iske qosylǵan «Turkistan» telearnasynyń jobalaryna qatysýǵa shaqyrdy.

Mınıstr Aıda Balaeva Túrkııa Prezıdenti Ákimshiliginiń qoǵammen baılanys jónindegi Bas basqarmasynyń basshysy Fahrettın Altýnǵa shaqyrtý úshin alǵys aıtyp, ony QR «Aqparat salasynyń úzdigi» tósbelgisimen marapattady.

QR AQDM basshysynyń resmı saparyn Túrkııa buqaralyq aqparat quraldary jan-jaqty kórsetti. Máselen, «Anadolu» agenttigi Aıda Balaevanyń Fahrettın Altýnmen kezdesýin egjeı-tegjeıli jazdy.

«Ankaradaǵy kezdesý keńeıtilgen jáne ekijaqty formatta ótti. Taraptar túrkııalyq-qazaqstandyq qarym-qatynasty, sonymen qatar qoǵamdyq dıplomatııany, mádenıet, kommýnıkatsııa jáne medıa salalaryndaǵy yntymaqtastyqty damytý boıynsha kúsh-jigerdi talqylady. Altýn Qazaqstandy Táýelsizdiginiń 30 jyldyǵymen quttyqtady. Onyń atap ótýinshe, Túrkııa Prezıdenti Redjep Taııp Erdoǵan Qazaqstanmen jáne túrki álemimen qarym-qatynasqa aıryqsha mán beredi. Ol Túrkııanyń Qazaqstanmen, sondaı-aq túrki álemi elderimen qarym-qatynasyndaǵy yntymaqtastyqty atap ótti», - dep jazdy agenttik.

Túrkııa Prezıdenti Ákimshiliginiń qoǵammen baılanys jónindegi Bas basqarmasynyń basshysy Túrkııa Qazaqstanmen tek medıa salasynda ǵana emes sonymen birge kınematografııada da qarym-qatynasty damytýǵa nıetti ekendigin aıtady. Onyń sózine qaraǵanda, taıaý ýaqytta bul baǵytta mańyzdy qadamdar jasaıtyn birlesken jumys toby qurylatyn bolady. Sonymen qatar Altýn Qazaqstan Prezıdenti Qasym-Jomart Toqaev pen Tuńǵysh Prezıdent Nursultan Nazarbaevqa ystyq sálemin joldady.

Munan bólek, mınıstr Ystanbulda turatyn qazaq dıasporasynyń belsendi ókilderimen kezdesti.

Aıda Balaeva shetelde turatyn etnıkalyq qazaqtarǵa Qazaqstanda bólinetin granttar, Otandastar qory arqyly syrttaǵy qazaq dıasporasyna kórsetiletin qoldaý týraly aıtyp berdi. Sondaı-aq ol el táýelsizdiginiń 30 jyldyǵyna oraı Dúnıejúzi qazaqtary kishi quryltaıynyń bıyl Ystanbulda ótetinin jetkizdi.

Tolyqtaı alǵanda, Aqparat mınıstriniń Túrkııaǵa sapary aıasynda mynadaı ýaǵdalastyqtarǵa qol jetkizilgendigin atap ótýge bolady:

- Volonterlik qyzmet boıynsha tájirıbe almasý;

- Birlesken kontet jasaý máseleri boıynsha túriktiń televızııalyq ónim óndirýshilermen yntymaqtastyq;

- «Qorqyt ata» birlesken televızııalyq jobasyn jasaý;

- Televızııalyq mamandardyń tájirıbe almasýy aıasynda Túrkııanyń jetekshi mamandaryn qazaqstandyq áriptesterin oqytýǵa jáne úıretýge shaqyrý;

- Túrkııanyń medıa salasy men shyǵarmashylyq toptarynyń ókilderin «Turkistan» telearnasynyń jobalaryna qatysýǵa shaqyrý.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT