Medeý men Shymbulaqqa elektr avtobýstary júre bastady
2021 jylǵy 14 qazan 14:54

Medeý men Shymbulaqqa elektr avtobýstary júre bastady

ALMATY. QazAqparat- Almatyda búginen bastap Medeý men Shymbulaqqa elektr avtobýstary júre bastady, dep habarlaıdy QazAqparat tilshisi.

13 oryndyq SAIC MAXUS EV90 ekologııalyq kóliginiń bir rettik qýaty 260 – 280 shaqyrymǵa deıin júrýge jetedi.
Almaty qalasynda «ELECTRO TAXI» pılottyq jobasynyń ekinshi kezeńin iske asyrý aıasynda shaǵyn elektr avtobýstaryn «EQS Operatory» satyp aldy. Ekologııalyq kólik synaqtan ótip, kólik barlyq tehnıkalyq jáne ekologııalyq talapqa sáıkes. Qorshaǵan ortaǵa esh zııan keltirmeıdi.
Shaǵyn elektr avtobýsymen jol júrý quny - 500 teńge. Zeınetkerler men jeńildik sanattary bar azamattar úshin jolaqy - 250 teńge. Al 7 jasqa deıingi balalar men múmkindigi shekteýli adamdar úshin jol júrý tegin.
Jolaqy tólemin Kaspi qosymshasy arqyly («Taksı» bóliminde), qolma qol aqshalaı tólemdi «Medeý» JSK jáne «Shymbulaq» KT ornalasqan tólem termınaly arqyly júrgizýge bolady.
Osylaısha, «Medeý» muz aıdyny men «Shymbulaq» taý shańǵysy kýrorty aımaǵynda JAC iEv7S markaly segiz elektromobıl jáne SAIC MAXUS EV90 eki elektr mıkrobýsy qatynap otyr. Bul, árıne, jobany iske asyrýdyń osy kezeńdegi nátıjesi.
ELECTRO TAXI pılottyq jobasyn júzege asyrý Almaty qalasynda ekologııalyq taza kólik quraldaryn (elektromobılderdi) paıdalanýdyń tartymdylyǵyn arttyrýǵa múmkindik beredi.
Sondaı-aq «Medeý» men «Shymbulaq» nysandarynyń kópshilikke kórseter úlgisi bolmaq.


Avtor:
Tilshi

Jańalyqtar

MURAǴAT