+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Metsenattar aýrýhana, jol, kópir sekildi nysandar salýǵa da atsalysýy kerek - mınıstr

2019 jylǵy 23 qazan 19:38
Bólisińiz:
Metsenattar aýrýhana, jol, kópir sekildi nysandar salýǵa da atsalysýy kerek - mınıstr

NUR-SULTAN. QazAqparat - Metsenattar meshit jetkilikti jerlerde mektep, aýrýhana, jol, kópir sekildi halyq kóp jyldar boıy ıgiligin kóretin nysandar salýǵa atsalysýy kerek. Aqparat jáne qoǵamdyq damý mınıstri Dáýren Abaev ІІІ respýblıkalyq ımamdar forýmynda osylaı dedi, dep habarlaıdy QazAqparat tilshisi.

Uqsas jańalyqtar
Aqparat mınıstri qazaqstandyqtardyń kólik júrgizý mádenıeti týraly aıtty Reseı men Ýkraına shıelenisi Qazaqstanǵa tıimsiz – Dáýren Abaev Dáýren Abaev: Azamattyq qoǵamdy damytý salasynda tereń reforma júrgizýge nıettimiz

«Memleket pen Qazaqstan musylmandary dinı basqarmasy aldynda turǵan birqatar mańyzdy máselelerge toqtalyp ótsem deımin. Birinshiden, Dinı basqarmanyń aǵartýshylyq jumystarynyń sapasyn jańa deńgeıge kóterý qajet. Azamattardyń, ásirese jastardyń boıynda radıkaldyq ıdeıalarǵa qarsy ımmýnıtetti qalyptastyrýdy jalǵastyrǵan jón. Sondaı-aq, teris dinı aǵymdardyń yqpalyna túsýshilerdi ońaltý, beıimdeý, dástúrli dinge qaıtarý jumystaryn kúsheıtý kerek», - dedi Dáýren Abaev.

Mınıstrdiń aıtýynsha, mundaǵy basty kemshilik – din salasynyń óte ózekti de názik máseleleri shalǵaı eldi mekenderdiń turǵyndaryna, halyqtyń uıymdaspaǵan toptaryna jetpeýinde.

«Máselege erekshe mán berýlerińizdi suraımyn. Osy tusta, barlyq eldimekendegi ımamdardy halyqqa nasıhat jasaý kezinde qoǵamdaǵy ótkir máselelerge toqtalyp, keleńsiz jaǵdaılardyń aldyn alýǵa baǵyttalǵan ýaǵyzdar júrgizýge shaqyramyn. Ózderińizge belgili, barlyq mańyzdy dástúrlerimiz – shildehana, neke qııý, as pen qazaly jıyndar ımamdardyń qatysýynsyz ótpeıdi. Mine, osyndaı jıyndarda ýaǵyz aıtýmen qatar, halyqty ysyrapshyldyq pen orynsyz sán-saltanattan tyıylýǵa, jastarymyzdy nekeni saqtaýǵa, azamattardy salamatty ómir saltyn ustanýǵa shaqyrǵan jón. Bir sózben aıtqanda, Elbasymyzdyń «Rýhanı jańǵyrý» baǵdarlamasynyń ózegi – pragmatıkalyq kózqarasqa buqarany tárbıeleýge óz úlesterińizdi qosýdy suraımyn», - dedi vedomstvo basshysy.

Dáýren Abaev metsenattarǵa meshitten basqa, mektep, aýrýhana, jol, kópir sekildi halyq kóp jyldar boıy ıgiligin kóretin nysandar salýǵa úndedi.

«Óńirlerde kommýnaldyq-sharýashylyq máselesi tolyq qamtamasyz etilgen meshitti ǵana qoldanysqa berý qajet dep sanaımyn. Meshitti ashqan jergilikti demeýshiler men metsenattardy bastapqy ýaqytta dinı ǵımarattyń shyǵyndaryn óz qamqorlyǵyna alýǵa shaqyrýlaryńyzdy suraımyn. Sonymen birge, dinimiz boıynsha «saýapty is» jasaý tek qana meshit salýmen shektelmeıtini belgili. Árıne, qajettilik bar jerde meshit salynýy kerek, alaıda meshit jetkilikti bolsa qaıyrymdy azamattar men metsenattardy mektep, aýrýhana, jol, kópir sekildi halyq kóp jyldar boıy ıgiligin kóretin, saýaby da orasan zor ıgi isterge kóptep úndeýdi usynamyn», - dedi ol.

Aıta ketsek, búgin elordada 500 ımamnyń qatysýymen ІІІ respýblıkalyq ımamdar forýmy ótti. Prezıdent Qasym-Jomart Toqaev forým qatysýshylaryna quttyqtaý hatyn joldady.

Foto: www.muftyat.kz

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT