+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Májiliste Túrkistan oblysyndaǵy balabaqshalardyń máselesi kóterildi

2021 jylǵy 8 qyrkúıek 11:31
Bólisińiz:
Májiliste Túrkistan oblysyndaǵy balabaqshalardyń máselesi kóterildi

NUR-SULTAN. QazAqparat – Búgin Parlament Májilisiniń jalpy otyrysynda depýtat Fahrıddın Qarataev Túrkistan oblysyndaǵy balabaqshalardyń máselesin kóterdi. Osy oraıda Premer-Mınıstrdiń orynbasary Eraly Toǵjanovtyń atyna saýal joldandy, dep habarlaıdy QazAqparat tilshisi.

Uqsas jańalyqtar
Árbir besinshi mektepte sanıtarlyq rejım buzylyp otyr – Eraly Toǵjanov Aýyl búldirshinderi 100 paıyz balabaqshamen qamtylady Oqýshylardyń hımııa pánine degen qyzyǵýshylyǵyn tájirıbe jasaý arqyly arttyrýǵa bolady - Tıktoker muǵalim

«Bizdiń depýtattyq saýalymyz «NurOtan» partııasynyń mektepke deıingi bilim mekemelerimen qamtamasyz etý jónindegi mindettemelerin iske asyrýǵa baǵyttalǵan. Bul máseleni Parlament depýtattary birneshe ret kótergen bolatyn, «NurOtan» partııasynyń músheleri jaqynda saılaýshylarmen ótken kezdesý barysynda bul másele qaıtadan kóterildi. Búgingi tańda, Túrkistan oblysyndaǵy jekemenshik balabaqshalary aıanyshty jaǵdaıda tur.

Ózińizge belgili, Túrkistan oblysynda búgingi tańda jekemenshik balabaqshalardaǵy jan basyna qarjylandyrý máselesi respýblıka boıynsha eń tómengi mólsherde, ıaǵnı 25 582 teńgeni quraıdy. Bul kórsetkish Qazaqstan Respýblıkasynyń Bilim jáne ǵylym mınıstri 2017 jylǵy 27 qarashadaǵy buıryǵymen bekitilgen jan basyna qarjylandyrý ádistemesine sáıkes aýyldyq jerde - 41 053 teńgeni, qalalyq jerde - 37 527 teńgeni quraýy tıis», - dedi F. Qarataev.

Onyń aıtýynsha, Túrkistan oblysy boıynsha búgingi tańda 1024 jekemenshik balabaqsha jumys isteıdi, ıaǵnı oblys boıynsha 72 paıyzdy qamtıdy, osy balabaqshalarda – 115 myńnan astam (74%) bala tárbıelenýde. 50 myń bala az qamtylǵan, 25 100 bala kóp balaly otbasynan keledi. Jekemenshik balabaqshalarda 36 840 adam turǵylyqty jumyspen qamtylǵan, onyń 19 myńnan asatamy pedagog qyzmetkerleri men tárbıeshileri. Balabaqsha qyzmetkerleriniń aılyq jalaqysy 42 500 - 70 000 teńge aralyǵynda. Qyzmetkerlerdiń 50% - dan astamy kópbalaly jáne az qamtylǵan otbasylar, 10 000- nan astam adam eń tómengi aılyq jalaqyǵa jumys isteýde.

«Osyǵan oraı, Túrkistan oblysy boıynsha, jergilikti bıýdjetten qarjy tapshylyǵyna baılanysty, sońǵy 3 jyldaǵy ınflıatsııany, pedagog kadrlardyń aılyq jalaqysynyń ósýine qaramastan, jan basyna qarjylandyrýdyń mólsherine qosymsha qarjy qarastyrylmaǵan. Osynyń saldarynan búgingi tańda oblys boıynsha 23,5 mlrd teńge qarjy tapshylyǵy týyndap otyr. Jergilikti atqarýshy organdar bul qarjyny jergilikti bıýdjetten tóleý múlde múmkindigi joq ekendigin jetkizýde. Bul máseleni jekemenshik balabaqshalary basshylary 3 jyldan beri kóterip, barlyq atqarýshy memlekettik organdarǵa hat joldaǵan bolatyn, alaıda osy kúnge deıin máseleniń sheshimi tabylmady. Jan basyna qarjylandyrý memlekettik bilim tapsyrmasyn oryndaý úshin Túrkistan oblysy boıynsha 23,5 mlrd tenge tapsyrys berilgen. Biraq respýblıkalyq bıýdjettik komıssııanyń 2021 jylǵy 20 sáýirdegi №9 sheshimimen bul shyǵystar qoldaý tappady. Eger bul másele bıyl da sheshimin tappasa, kásipkerler qyrkúıek aıynda jappaı jumystaryn amalsyz toqtatatynyn bildirýde. Ol kezde taǵy da 100 myń bala balabaqshasyz, 20 myń adam jumyssyz qalý yqtımaly bar», - dedi depýtat.

«Osyǵan baılanysty, qandaı sheshimder qabyldanady jáne tıisti qarjylandyrý qalaı júzege asyrylatynyn túsindirýdi suraımyz», - dedi Fahrıddın Qarataev.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT