Májiliste sporttaǵy sybaılas jemqorlyq janjaldaryna qatysty másele kóterildi
2022 jylǵy 12 qańtar 13:31

Májiliste sporttaǵy sybaılas jemqorlyq janjaldaryna qatysty másele kóterildi

NUR-SULTAN. QazAqparat – Májilistiń jalpy otyrysynda depýtattar sporttaǵy sybaılas jemqorlyq janjaldaryna qatysty shara qabyldaýdy surap, sportshylardy qorǵaýǵa qatysty tıisti qadamdar jasalýy kerek ekenin aıtty, dep habarlaıdy QazAqparat tilshisi.

«Áleýmettik jelilerde sozylmaly sıpatqa ıe sporttyq ortada, onyń ishinde Qazaqstan jaqsy nátıjelerge jetedi dep senetin sport túrleri boıynsha sybaılas jemqorlyq janjaldary jıi jarııalanyp keledi. Sybaılas jemqorlyq qylmystarynyń arasynda sportty damytýǵa bólingen bıýdjet qarajatyn jymqyrý, sportshylardan olardy daıyndaý men óner kórsetýge bólingen aqshany qorqytyp alý qylmystary da bar. Máselen, 2021 jyldyń qazan aıynda frıstaıldan ulttyq qurama sportshysy Aleksandr Gebert jáne basqa sportshylardy olarǵa túsken táýliktik qarajatty bas bapkerdiń jeke shotyna aýdarýǵa bas tartýlaryna baılanysty quramadan shyǵarylǵan kezde janjal týyndady. Beıne habarlamadan kórinip turǵandaı, jumystan bosatý 2020 jyly oryn alyp, sportshynyń kásibı jaramsyzdyǵyna silteme jasaldy», - dedi depýtat Andreı Lınnık Bas prokýratýraǵa joldaǵan saýalynda.

Onyń aıtýynsha, óz kezeginde bas jattyqtyrýshy daý-damaı týraly kózqarasyn aıtyp, jattyqtyrýshylar kóbinese óz esebinen sportshylardyń tamaqtanýyn, keıde turatyn jerin tóleýge májbúr bolatyndyǵyn túsindirdi. Osyǵan baılanysty ol sportshylardan shyǵyndardy óteýdi suraǵan.

«Jattyqtyrýshynyń pikirinshe, bul jaǵdaı bizdiń sportta keń taralǵan qubylys. Alaıda, áıel jattyqtyrýshy sportshymen sóılesýde ádepsiz sózderdi qoldanyp, ony qorlaǵan. Bul dıalogtardyń aýdıo jazbasy áleýmettik jelilerde tarap, qoǵamda narazylyq týdyrdy. Osy oraıda mundaı shyǵyndarǵa bıýdjetten bólingen qarajat qaıda ketti? Mádenıet jáne sport mınıstrliginiń jattyqtyrýshynyń orynsyz minez-qulqyna reaktsııasy qaıda? Eń qaýiptisi, túsiniktemelerge súıensek, bul jaǵdaı tipti erekshelik emes, bul jaǵdaı – qazaqstandyq sport úshin ereje», - dedi depýtat.

Sonymen qatar ol ótken jyldyń qarasha aıynda Stepnogor qalasyndaǵy olımpıada rezerviniń mektep-ınternatynda janjal bolǵanyn eske saldy.

«Sporttaǵy sybaılas jemqorlyq máselesi sheshilmeıinshe, bolashaǵy bar jastardyń taǵdyry buzyla beredi, al qazaqstandyq sport óz chempıondaryn ósirýdiń ornyna daıyn sheteldik legıonerlerdi «ımporttaıtyn» bolady», - dedi Andreı Lınnık.

Baıandalǵannyń negizinde, «Aq jol» depýtattyq fraktsııasy kelesilerdi suraıdy:

1) Stepnogorsk qalasyndaǵy sport mektep-ınternatynda balalardy qorqytý jáne uryp-soǵý faktileri boıynsha qandaı sharalar qabyldanǵanyn habarlaý;

2) Barlyq mektep-ınternattardy álimjettik jáne qorqytý faktilerine tekserý júrgizý, balalardy qorlyq pen bopsalaýdan qorǵaý;

3) Frıstaılshy Gerberttiń ótinishi boıynsha tekserý nátıjeleri týraly habardar etý nemese eger ol áli júrgizilmegen bolsa, ony júrgizý;

4) Albert Lınderdiń ózine-ózi qol jumsaýdaǵy jattyqtyrýshylardyń rólin jáne olardyń zańdy ári moraldyq quqyǵyn, sondaı-aq aýyr atletıka quramasynyń jumysyn odan ári basqarýyn aıqyndaý.

Eske sala keteıik, ótken jyly qyrkúıek aıynda Qazaqstannyń Aýyr atletıka federatsııasy sportshy Albert Lınderdiń qazasyna qatysty jaıtqa oraı resmı málimdeme jasady.



Avtor:
Tilshi

Jańalyqtar

MURAǴAT