+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Májiliste qashyqtan oqytý men túlekterdiń strestik jaǵdaıyna qatysty másele kóterildi

2021 jylǵy 16 maýsym 12:20
Bólisińiz:
Májiliste qashyqtan oqytý men túlekterdiń strestik jaǵdaıyna qatysty másele kóterildi

NUR-SULTAN. QazAqparat – Parlament Májilisiniń jalpy otyrysynda «Aq jol» fraktsııasynyń depýtattyq saýaly Ulttyq birińǵaı testileýdi uıymdastyrýǵa qatysty boldy. Osy oraıda saýal Premer-Mınıstrdiń orynbasary Eraly Toǵjanovtyń atyna joldandy, dep habarlaıdy QazAqparat tilshisi.

«Bıyl mektep túlekteri Ulttyq biryńǵaı testini jańa formatta tapsyrýda. Beınekameralardy ornatý jáne «proktorıng» júıesiniń arqasynda Bilim mınıstrligi testileý protsesti ashyq túrde ótkizip jatyr. Sonymen qatar, bıyl túlekter qajet bolǵan jaǵdaıda testini qaıta tapsyrýǵa múmkindik aldy. Munyń bári jaqsy jáne durys sharalar, biraq ata-analar UBT-ny qaıta tapsyrý merziminiń belgisizdigine baılanysty depýtattarǵa júgindi. Bul merzim normatıvti túrde anyqtalmaǵan, biraq aýyzsha tamyz aıynyń sońy dep ataldy.

Ótken oqý jylyn qashyqtan oqytý jáne osyǵan baılanysty strestik jaǵdaı, túlekter kórsetkishteriniń nasharlaýyna yqpal etkenin atap ótken jón», - dedi depýtat Serik Erýbaev.

Onyń aıtýynsha, balalardyń kópshiligi mektepte jaqsy kórsetkishterge ıe boldy jáne testileýdiń nashar nátıjelerin óte aýyr qabyldady. Otbasylardyń kópshiligi memlekettik organdardy qashyqtan oqytýdyń tómen sapasyn kináláp, narazalyq bildirip jatyr.

«Mundaı shaǵymdar úshin obektıvti negiz bar ekenin moıyndaý kerek. Sonymen qatar, kóptegen ata-ana balalarynyń osy alǵashqy úlken sátsizdikke reaktsııasy týraly alańdaýshylyq bildirip otyr. Ótken jyldardyń statıstıkasyn bárimiz bilemiz, qansha túlek streske tótep bere almady. Osy oraıda jastarymyzdy tabandylyqpen jigerlendirgen durys bolar edi. Sondyqtan bizdiń túlekterimizdiń aldyńda esik jabýdyń qajeti joq. Olardyń arasynda bolashaq jetekshiler, talanttar ári laıyqty azamattar shyǵýy múmkin. Kóptegen sheteldik joǵary oqý oryndary bizdiń túlekterimizdi UBT-syz, óz erejeleri boıynsha qabyldaıtynyn da eskerý qajet», - dedi depýtat.

«Qaıta tapsyrýdyń alshaqtaýynyń áseri, keıbir talapkerlerdiń Qytaı, Latvııa, Chehııa, Vengrııa, Ýkraına jáne taǵy basqa elderdiń ýnıversıtetterine túsýge májbúrleıdi. Reseıdiń keıbir joǵary oqý oryndary jyldyń basynan bastap bastap eń jaqsy oqýshylardy shaqyra bastady, sol sebepti myńdaǵan daryndy balalar Qazaqstannan UBT-ǵa deıin ketedi. Osylaısha, biz UBT-ny qaıta tapsyrýdyń keshiktirilýi eshteńege negizdelmegen jáne aıqyn táýekelderge alyp keledi dep esepteımiz. Osyǵan baılanysty, qurmetti Eraly Luqpanuly, sizden shuǵyl túrde Bilim mınıstrligine qaıta testileýdi qysqa ýaqyt ishinde uıymdastyrýdy jáne osy máseleni jeke baqylaýǵa alýdy tapsyrýyńyzdy suraımyz», - dedi Serik Erýbaev.


Bizdiń kanalymyzǵa jazylyńyz:

#Parlament   #Bilim  
Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT