+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Májiliste aýyldardyń ınternetke qoljetimdiligin arttyrýǵa baǵyttalǵan zań jobasy maquldandy

2020 jylǵy 3 maýsym 11:29
Bólisińiz:
Májiliste aýyldardyń ınternetke qoljetimdiligin arttyrýǵa baǵyttalǵan zań jobasy maquldandy

NUR-SULTAN. QazAqparat – Májiliste «QR-nyń keıbir zańnamalyq aktilerine aýyldy eldi mekenderde ınternettiń qoljetimdiligin qamtamasyz etý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaıdy QazAqparat tilshisi.

Uqsas jańalyqtar

«Aýyldy jerlerdi sapaly ınternetpen qamtamasyz etý – búgingi kúnniń basty talaby. Sebebi Memleket basshysy Qasym-Jomart Kemeluly Toqaev Ulttyq qoǵamdyq senim keńesiniń bilim jáne densaýlyq saqtaý salalaryn zamanǵa saı reformalaý týraly aıtqan bolatyn. Osy jolda árıne, tsıfrlyq jáne elektrondy qyzmetterdiń qajettiligi óte mańyzdy. Sol úshin osy zań jobasyna engizilgen ózgerister aýyl turǵyndarynyń sapaly jáne qoljetimdi ınternetpen qamtamasyz etýge jańa serpin bereri sózsiz», - dedi Májilis tóraǵasy Nurlan Nyǵmatýlın.

Onyń aıtýynsha bul zań aýyldy jerlerde ınternet jelilerin tartýdy jedeldetýge múmkindik beretinin atap ótti.

«Osynyń bári álbette aýyl halqyn zamanǵa saı telekommýnıkatsııalyq jáne baılanys qyzmetimen qamtamasyz etýge jol ashady. Memleket basshysynyń tapsyrmasyn oryndaý úshin osy zań jobasy daıarlanyp otyr. Zańdy qabyldaý nátıjesinde azamattar elektrondy memlekettik qyzmetti alýmen qatar, onlaın-oqý, tsıfrlyq densaýlyq saqtaý qyzmetteriniń múmkindikterin belsendi túrde qoldana alady. Aýyldardyń arasy alshaq jatqanyn bilesizder», - dedi ol.

Aıta ketsek, zań jobasy aýyldyq eldi mekenderdi ınternetpen qamtamasyz etý maqsatynda ázirlengen. Ol Qazaqstan Respýblıkasynyń 2 kodeksi men 2 zańyna ózgerister men tolyqtyrýlar engizýdi kózdeıdi. Zań jobasy baılanys nysandaryn salý kezinde jer ýchaskelerin resimdeý boıynsha ruqsat berý rásimderin ońaılatýǵa, baılanys operatorlarynyń barlyǵyna telekommýnıkatsııalyq ınfraqurylymǵa teń qol jetkizý múmkindigin berýge baǵyttalǵan. Jumys tobyna depýtattar men komıtetterdiń 28 usynysy kelip túsip, olar múddeli mınıstrlikter, vedomstvolar jáne qoǵamdyq uıymdar ókilderiniń qatysýymen jumys tobynyń eki otyrysynda, komıtettiń keńeıtilgen otyrysynda talqylanǵan.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT