+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Májiliste áleýmettik tólemderdiń mólsherin arttyrýǵa negizdelgen zań jobasy maquldandy

2019 jylǵy 13 qarasha 12:32
Bólisińiz:
Májiliste áleýmettik tólemderdiń mólsherin arttyrýǵa negizdelgen zań jobasy maquldandy

NUR-SULTAN. QazAqparat – Parlament Májilisiniń jalpy otyrysynda «Mindetti áleýmettik saqtandyrý týraly» zań jobasy ekinshi oqylymda maquldandy, dep habarlaıdy QazAqparat tilshisi.

Uqsas jańalyqtar
Senat sybaılas jemqorlyqqa qatysty qujatty Májiliske qaıtardy Senat erekshe qorǵalatyn tabıǵı aýmaqtarǵa qatysty zańdy qabyldady Senatorlar sybaılas jemqorlyqqa qarsy sharalarǵa qatysty qujatpen jumys isteýde

Atalǵan zań jobasy 2019 jylǵy 12 maýsymda Májilistiń jalpy otyrysynda birinshi oqylymda maquldanǵan bolatyn.

«Zań jobasy saqtandyrýdyń qaǵıdattarynyń, áleýmettik ádildiktiń saqtalýy eskerile otyryp, mindetti áleýmettik saqtandyrý júıesin damytýǵa, eńbek ótili men tólem mólsherleri arasyndaǵy ózara baılanysty kúsheıtýge, halyqty mindetti áleýmettik saqtandyrý júıesine qatystyrý úshin yntalandyrýdy qalyptastyrýǵa baǵyttalǵan», - dedi depýtat Aıgúl Nurkına.

Zań jobasynda eńbekke qabilettilikten aıyrylý koeffıtsıentin aıqyndaýdyń jańa tetigi kózdeledi. Ol árbir jaǵdaıǵa jeke tásilmen qaraýǵa negizdeledi. Qoldanystaǵy zańnamada ortashalanǵan koeffıtsıentterdi qoldaný kózdelgen. Osy oraıda eńbekke qabilettilikten aıyrylý koeffıtsıentin medıtsınalyq-áleýmettik saraptama bólimsheleri anyqtaǵan odan aıyrylýdyń jeke dárejesine sáıkes belgileý usynylady. Sonyń nátıjesinde eńbekke qabilettilikten aıyrylý boıynsha áleýmettik tólemderdiń mólsherin ulǵaıtý kútilip otyr.

Budan bólek, qatysý ótiline 5 jyl tolǵannan keıin mindetti áleýmettik saqtandyrý júıesine qatysý ótiliniń qol jetkizilgen koeffıtsentin jyl saıyn 2 paıyzǵa arttyrý kózdeledi. Bul norma mindetti áleýmettik saqtandyrý júıesine qatysý ótili men áleýmettik tólemderdiń mólsherleri arasyndaǵy ózara baılanysty kúsheıtedi.

Munymen qosa, jumysynan aıyrylýy boıynsha áleýmettik tólemderdi esepteýdiń jetildirilgen tetigi eskerilgen. Atap aıtqanda, zań jobasynda qatysý ótili 5 jáne odan kóp jyl bolǵan adamdar úshin jumysynan aıyrylý sebebine qaramastan, 6 aıǵa deıingi merzimge jumysynan aıyrylýy boıynsha áleýmettik tólemder taǵaıyndaý kózdeledi.

Bizdiń kanalymyzǵa jazylyńyz:

#Parlament   #Zań  
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT