+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Májilis jerdi sheteldikterge satpaý týraly qujatqa Senat engizgen ózgeristermen kelisti

2021 jylǵy 5 mamyr 14:36
Bólisińiz:
Májilis jerdi sheteldikterge satpaý týraly qujatqa Senat engizgen ózgeristermen kelisti

NUR-SULTAN. QazAqparat – Májilis «Qazaqstan Respýblıkasynyń keıbir zańnamalyq aktilerine jer qatynastary máseleleri boıynsha ózgerister men tolyqtyrýlar engizý týraly» QR Zań jobasyna QR Parlamentiniń Senaty engizgen ózgeristermen jáne tolyqtyrýlarmen kelisti, dep habarlaıdy QazAqparat.

Uqsas jańalyqtar
Senatorlar zań biliminiń sapasy máselelerin talqylady Qazaqstan men Tájikstan parlamentteri yntymaqtastyqty údete túspek Tekserý komıssııalarynyń jumysynda zań talaptary buzylyp otyr - Andreı Lýkın

Parlament jerdi sheteldikterge satpaýdy kózdeıtin zań jobasyn qabyldady.

«Agrarlyq máseleler komıteti «Qazaqstan Respýblıkasynyń keıbir zańnamalyq aktilerine jer qatynastary máseleleri boıynsha ózgerister men tolyqtyrýlar engizý týraly» QR Zań jobasyna QR Parlamenti Senaty engizgen ózgeris pen tolyqtyrýdy qarap shyqty. Senat usynǵan ózgerister men tolyqtyrýlar sheteldik jer paıdalanýshylardyń jáne sheteldik qatysýy bar zańdy tulǵalardyń, sondaı-aq aýyl sharýashylyǵy maqsatyndaǵy jer ýchaskelerin jeke menshik jáne jer paıdalaný quqyǵymen kandastardyń ıelenýine tyıym salýdy engizýdi kózdeıtin zań jobasynyń Májilis maquldaǵan tujyrymdamasyn buzbaıdy jáne onyń mazmunyn nasharlatpaıdy. Baıandalǵandy eskere otyryp, Agrarlyq máseleler komıteti atalǵan Zań jobasyna QR Parlamenti Senaty engizgen ózgerispen jáne tolyqtyrýmen kelisýdi usynady», - dedi Agrarlyq máseleler komıtetiniń hatshysy Berik Ospanov Májilistiń jalpy otyrysynda.

29 sáýir kúni Senat «Qazaqstan Respýblıkasynyń keıbir zańnamalyq aktilerine jer qatynastary máseleleri boıynsha ózgerister men tolyqtyrýlar engizý týraly» zań jobasyn Májiliske qaıtarǵan edi.

Usynylǵan zań jobasynda aýyl sharýashylyǵy jerlerin sheteldikterge jáne sheteldik kompanııalarǵa, sheteldik úlesi bar qazaqstandyq kompanııalarǵa, azamattyǵy joq adamdarǵa, halyqaralyq qatysý úlesi bar ǵylymı ortalyqtarǵa, sondaı-aq qandastarǵa berýge tolyqtaı tyıym salý kózdelgen.

Odan bólek, Zań jobasynda budan buryn sheteldikter jáne sheteldik úlesi bar qazaqstandyq kompanııalar jalǵa alǵan aýyl sharýashylyǵy jerlerin paıdalaný merzimi uzartylmaıtyny jáne olar paıdalaný merzimi aıaqtalǵanǵa deıin ǵana ıelikte bolatyny kózdelgen.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT