USD 434.34 EUR 491.93
RUB 5.56 CNY 68.67
Jańalyqtar

Májilis jańa úsh jyldyq bıýdjet jobasyn maquldady

2021 jylǵy 20 qazan 12:31
Bólisińiz:
Májilis jańa úsh jyldyq bıýdjet jobasyn maquldady

NUR-SULTAN. QazAqparat – Parlament Májilisiniń jalpy otyrysynda «2022 – 2024 jyldarǵa arnalǵan respýblıkalyq bıýdjet týraly» zań jobasy maquldandy, dep habarlaıdy QazAqparat tilshisi.

Uqsas jańalyqtar
Olga Perepechına Senat tóraǵasynyń orynbasary bolyp saılandy Inflıatsııaǵa qarsy jumys tásilin qaıta qaraý kerek - depýtat Májiliste múgedektigi bar jandardyń zeınetke shyǵý jasyn tómendetý máselesi kóterildi

«Úsh jylǵa arnalǵan respýblıkalyq bıýdjet jobasy Memleket basshysynyń tapsyrmalaryn jáne «Nur Otan» partııasynyń saılaýaldy baǵdarlamasynyń barlyq mindettemelerin qamtıdy. Bıýdjet jobasyn qaraý barysynda onyń baǵyttary egjeı-tegjeıli talqylandy, sondyqtan negizgi parametrlerine qysqasha toqtalyp óteıin. Respýblıkalyq bıýdjet túsimderi bıyldyń josparyna qaraǵanda 432 mlrd teńgege ulǵaıa otyryp, 2022 jylǵa 13 trln teńge kóleminde boljanyp otyr. Respýblıkalyq bıýdjetke túsetin munaı túsimderiniń úlesi birtindep azaıatyn bolady. Máselen, aǵymdaǵy jylǵy 43,6%-dan

2024 jylǵa qaraı ol 28,6%-ǵa deıin tómendeıdi», - dedi QR Qarjy mınıstri Erulan Jamaýbaev.

Onyń aıtýynsha, Ulttyq qordan beriletin kepildendirilgen transfert 2022 jyly aǵymdaǵy jylmen salystyrǵanda 300 mlrd teńgege, al 2023 jáne 2024 jyldary taǵy 200 mlrd teńgege azaıa otyryp, josparlanǵan. Kelesi jylǵa Ulttyq qordan beriletin nysanaly transfert

550 mlrd. teńge jáne 2023-2024 jyldarǵa 400 mlrd teńge mólsherinde aıqyndaldy.

«Munaıǵa qatysty emes túsimderdiń úlesi bıylǵy 56,4%-ten 2024 jylǵa qaraı 71,4%-ke deıin ósedi dep boljanǵan. Bıýdjet tapshylyǵy 2022 jyly jalpy ishki ónimge 3,3%-dan 2024 jyly 2,5%-ǵa deıin kezeń-kezeńmen tómendeýmen josparlanyp otyr», - dedi mınıstr.

Onyń sózine qaraǵanda, shyǵystar kelesi jyly 15,9 trln teńgeni quraıdy. Bıýdjettiń áleýmettik baǵyty saqtaldy. Úsh jyldyq kezeńde áleýmettik sala shyǵystary 26,7 trln teńge bolady. Onyń ishinde 2022 jyly bıyldyń deńgeıine qaraǵanda 643,2 mlrd teńgege ulǵaıa otyryp, 8,1 trln teńgeni quraıdy.

«Bıýdjettiń jalpy kólemindegi bul shyǵystarynyń úlesi endigi jyly 50,8%-ǵa deıin ósedi. Shyǵystar kóleminiń kóp bóligi azamattardy áleýmettik qamsyzdandyrý men olarǵa kómek kórsetýge baǵyttalǵan. Densaýlyq saqtaý júıesin damytýǵa arnalǵan shyǵystar 2022-2024 jyldary 5,7 trln teńgeni, onyń ishinde 2022 jylǵa 1,8 trln teńgeni quraıdy. Osy qarajat aıasynda medıtsına qyzmetkerleriniń eńbekaqysyn ulǵaıtý kózdelgen», - dedi Á. Erǵalıev.

Onyń sózine qaraǵanda, bilim jáne ǵylym júıesin damytýǵa 3 jylǵa 7 trln teńge, onyń ishinde 2022 jylǵa 1,8 trln teńge kózdelgen. Bul bıyl bólingen qarajattan 477,1 mlrd teńgege artyq.

«Ekonomıkanyń naqty sektoryn qoldaýǵa jáne damytýǵa arnalǵan shyǵystar orta merzimdi kezeńde 3,6 trln teńgeni, onyń ishinde 2022 jylǵa 2 trln teńgeni quraıdy. Osy baǵyt aıasynda barlyq memlekettik baǵdarlamalardy iske asyrýǵa shyǵystar kózdelgen. Olar birtindep ulttyq jobalarǵa ulasatyn bolady», - dedi mınıstr.

Zań jobasyn talqylaý barysynda birqatar túzetýler engizildi. Túzetýlerdiń birinshi blogy Memleket basshysynyń bıylǵy 1 qyrkúıektegi Joldaýyn qarjylyq qamtamasyz etýge baǵyttalǵan.

Máselen, 2022 jylǵa azamattyq qyzmetshilerdiń jekelegen sanattarynyń eńbekaqylaryn kóterýge 143,4 mlrd teńge somasynda qarajat kózdelgen.

Túzetýlerdiń ekinshi blogy depýtattardyń bastamashylyǵy boıynsha halyqtyń ómir súrý sapasyn arttyrýǵa jáne óńirlerdi damytýǵa baǵyttalǵan.

Budan buryn habarlanǵandaı, Ulttyq bank tóraǵasy Erbolat Dosaev elimizde ınflıatsııanyń ósýiniń negizgi sebepterin aıtty.

Májilistiń jalpy otyrysynda QR Ulttyq ekonomıka mınıstri Áset Erǵalıev 2022 jyly bıýdjet tapshylyǵy jalpy ishki ónimge qatysty 3,3% deńgeıinde boljanyp otyrǵanyn aıtty.

Mınıstr 2022 jyly taýarlar eksporty 60,1 mıllıard dollar deńgeıinde boljanyp otyrǵanyn jáne 2026 jylǵa deıin 79,8 mıllıard dollarǵa deıin ulǵaıatynyn jetkizdi.

Taýarlar ımporty 2022 jyly 40,8 mıllıard dollardan 2026 jyly 43,4 mıllıard dollarǵa deıin ulǵaıady.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT