+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Májilis tóraǵasy Aqmola oblysyndaǵy birqatar iri áleýmettik-óndiristik nysandarda boldy

2018 jylǵy 5 qańtar 13:53
Bólisińiz:
Májilis tóraǵasy Aqmola oblysyndaǵy birqatar iri áleýmettik-óndiristik nysandarda boldy

KÓKShETAÝ. QazAqparat - Elbasynyń «Ult jospary-100 naqty qadam» jáne «Bolashaqqa baǵdar: rýhanı jańǵyrý» baǵdaralamalarynda alǵa qoıǵan mindetterdi halyqqa túsindirý maqsatynda Aqmola oblysyna jumys saparymen kelgen Qazaqstan Respýblıkasy Parlamenti Májilisiniń tóraǵasy Nurlan Nyǵmatýlın Kókshetaý qalasyndaǵy birqatar áleýmettik-óndiristik nysandarda bolyp, eńbek ujymdarymen kezdesti, dep habarlaıdy QazAqparat tilshisi.

Məjilis tóraǵasy aldymen osydan birer jyl buryn ındýstrııalandyrý kartasy sheńberinde iske qosylǵan «Qazaqstan agroınnovatsııalyq korporatsııasy» jaýapkershiligi shekteýli seriktestigi men óńirdegi irgeli kásiporyn «Kókshetaý mıneraldy sýlary» aktsıonerlik qoǵamynda bolyp, aýyl sharýashylyǵy tehnıkalaryn qurastyrý men mıneraldy sý shyǵarý protsestterimen tanysty. Sondaı-aq, kásiporyndar ujymdarymen kezdesip, jumystary týraly surap bildi.

«Qazaqstan agroınnovatsııalyq korporatsııasy» seriktestigine keletin bolsaq, Eýrazııalyq ekonomıkalyq keńes aıasynda qurylǵan «Aýyl sharýashylyǵy jáne kommýnaldyq tehnıkalarynyń Qazaqstan-Belarýs ındýstrıaldyq-tehnologııalyq parki» ınvestıtsııalyq jobasy 2012 jyly qolǵa alynǵan edi. Ondaǵy maqsat - Belarýs eliniń kommýnaldyq jáne aýyl sharýashylyǵy salasynyń ozyq tehnıkalaryn elimizde qurastyryp, eki el arasyndaǵy saýda-ekonomıkalyq baılanysty nyǵaıtý.

Jobanyń birinshi kezeńin júzege asyrý úshin 2014 jyly Belarýs eliniń «Mınsk traktor zaýyty» ashyq aktsıonerlik qoǵamy jáne otandyq «Qazaqstan agroınnovatsııalyq korporatsııasy» jaýapkershiligi shekteýli seriktestigi birlesip, «MTZQ AIK» seriktestigin qurǵan bolatyn.

Keıin bul joba Indýstrııalandyrý kartasyna engizilip, aıy ońynan týdy. Ótken jyldyń qorytyndysy boıynsha zaýytta traktor tirkemesi, oraq bastyratyn press, shóp oraǵysh, ekskavator, kótergish sııaqty 500-den astam tehnıka shyǵaryldy. Al, 2021 jyly bul kórsetkishti 5 myńǵa jetkizý kózdelgen. Shyǵarylǵan aýyl sharýashylyǵy tehnıkalaryna elimizde suranys joǵary. Óıtkeni, ónimniń aýyl sharýashylyǵy qurylymdary úshin baǵasy qoljetimdi. Sapasy da tehnıkalyq talaptarǵa saı. Osylaısha, kásiporyn óndiris kólemin jyl sanap arttyra túsýde. 2012 jyly bastalǵan bul jobanyń quny 4,7 mıllıard teńgeni quraıdy. Sońǵy 5 jyldyń ishinde 1,6 mıllıard teńge ınvestıtsııa tartyldy.

Al, «Kókshetaý mıneraldy sýlary» aktsıonerlik qoǵamynyń ujymymen kezdesýde Nurlan Nyǵmatýllın elimizde júzege asyrylyp jatqan memlekettik baǵdarlamalardyń barysy, zań shyǵarýshylyq jumystar jáne baspana, kadr máselesi sııaqty búgingi kúnniń ózekti máseleleri boıynsha qoıylǵan saýaldarǵa qulaq túrdi.

Ásirese, Memleket basshysynyń strategııalyq baǵytyn, onyń ishinde ınnovatsııalyq ındýstrııalandyrý týraly aqmolalyqtarǵa túsindirip ótti. Májilis tóraǵasy kásiporynnyń joǵary tehnologııany paıdalaný, óndiristi jańǵyrtý baǵytynda tabysty jumysty atqaryp otyrǵanyn aıta kele, jalpy, óńirdiń agroındýstrıaldy áleýettin atap ótti.
null

Nurlan Nyǵmatýlın elimizdegi ózgeristerge toqtala kele, Qazaqstannyń Táýelsizdik alǵan 26 jyl ishinde jetken jetistikteriniń halyqtyń Elbasy Nursultan Nazarbaevqa degeni seniminiń arqasynda qol jetkizilgendigin aıtyp túsindirdi. Oǵan qosa, Májilis tóraǵasy elimizdiń ishki saıası jetistikterimen birge, Qazaqstannyń BUU QK-ne múshe bolyp, Sırııa janjalyn retteý, Shanhaı yntymaqtastyq uıymy jáne Islam memleketteri uıymy tárizdi halyqaralyq uıymdarǵa tóraǵalyq etkenin atap ótti.

«Elimizdegi reformalardy túbegeıli júzege asyrýda Ult Kóshbasshysy Nursultan Nazarbaevtyń róli zor. Elbasynyń jyl saıynǵy Joldaýynda elimizdiń jańarýy, otandyq ekonomıkany jańǵyrtý, qoǵamdyq sana men rýhanı jańǵyrý, ulttyq birlik pen etnosaralyq jáne dinaralyq túsinistik modelin qalyptasyrý máseleleri nazarǵa alynady», - dedi Nurlan Nyǵmatýlın.

Sonymen qatar, Májilis tóraǵasy Aqmola oblysynyń jetistikterine de toqtaldy. Óńirde ındýstrııalandyrý kartasy sheńberinde quny 223 mıllıard teńgeni quraıtyn 76 ınvestıtsııalyq joba júzege asyrylyp, 7,7 myń jumys orny ashyldy.

Alda áli 11 jobany júzege asyrý josparda bar. Quny 528,3 mıllarda teńge bul joblar júzege asyrlyǵan kezde, qosymsha 4,3 myń jańa jumys orny ashylatyn bolady.

Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT