+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Májilis: temirjol kóligimen tasymaldaýdy jetildirýge arnalǵan qujatty talqylandy

2019 jylǵy 20 qarasha 15:49
Bólisińiz:
Májilis: temirjol kóligimen tasymaldaýdy jetildirýge arnalǵan qujatty talqylandy

NUR-SULTAN. QazAqparat – Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine temirjol kóligi máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldady, dep habarlaıdy QazAqparat tilshisi.

Uqsas jańalyqtar
Snejanna Imasheva  janýarlardy qorǵaýǵa qatysty zań jobasyna pikir bildirdi Májilis depýtattary indet kezinde aýyl turǵyndaryn jumyspen qamtý máselesin talqylady

«Memleket basshysynyń Qazaqstan halqyna Joldaýyna sáıkes, tarıf qurýdyń ashyqtyǵyn arttyrý jáne temirjol tasymaly salasyndaǵy tutynýshylardyń quqyqtaryn qorǵaýdy qamtamasyz etý qajet. Osyǵan baılanysty mınıstrlik temirjol salasynyń ártúrli sektorlaryna qatysty túzetýler toptamalaryn daıyndady», - dedi QR Indýstrııa jáne ınfraqurylymdyq damý mınıstri Beıbit Atamqulov.

Zań jobasynyń birinshi bóliginiń negizgi baǵyty jolaýshylar tasymalyn sýbsıdııalaý rásimderin jeńildetýge qatysty.

Jolaýshylar tasymaly shyǵyndy jáne memlekettik bıýdjetten shyǵystardyń birneshe baptary boıynsha sýbsıdııalanady. Bul vagondardy jalǵa alý, kútip ustaý, satyp alý, vokzal sharýashylyǵy, lokomotıvtik kúsh jáne magıstraldyq jeli qyzmetteri.

«Bul rette, QTJ tarapynan jolaýshylar tasymaldaýshylaryna lokomotıvtik kúsh jáne magıstraldyq jeli qyzmetterine tómen tarıfter qoıylady, ol ózindik qunynan 3 ese tómen. Bul júk tasymaldaý esebinen jolaýshylar tasymalyn sýbsıdııalaýdyń ishki krossy dep atalady. Mundaı júıe burynnan jumys isteıdi jáne naryqta tek bir júk tasymaldaýshysyn qarastyrady. Alaıda, qazirgi ýaqytta júk tasymaldaýdy 3 tasymaldaýshy, ıaǵnı bir ulttyq jáne 2 jeke tasymaldaýshy oryndaıdy. Zań jobasy naryqta birneshe júk tasymaldaýshysy bar tıisti básekelestikti damytýǵa baǵyttalǵan», - dedi mınıstr.

Jolaýshylar tasymaldaýshylaryn qoldaý turǵysynda júk tasymaldaýshylardyń teńgerýshi tólemi engiziletin bolady, bul kross sýbsıdııalaýdyń zańnamalyq negizin jasaýǵa múmkindik beredi.

«2020 jyly mundaı tólemdi Ulttyq júk tasymaldaýshysy ǵana tóleıtin bolady, al 2021 jyly tetikti is júzinde pysyqtaǵannan keıin tólemdi jeke júk tasymaldaýshylary da júzege asyratyn bolady.

Sondaı-aq «Jolaýshylar lokomotıvteri» jeke zańdy tulǵa qurý usynylady, ol tasymaldaýshylarǵa lokomotıvtik kúsh pen magıstraldyq jeli qyzmetterin jabýǵa sýbsıdııa alýshy bolady. Óz kezeginde, «Jolaýshylar lokomotıvteri» tasymaldaýshylarǵa lokomotıvtik kúsh qyzmetterin tómen baǵamen usynady», - dedi Atamqulov.

Sonymen qatar, jolaýshylar tasymaldaýshylaryna magıstraldyq jeli boıynsha tegin jol júrý ornatylady. Osylaısha, zań jobasymen júk tasymaldaý esebinen jolaýshylar tasymalyn sýbsıdııalaýdy jarııa etý jáne jeke júk tasymaldaýshylardyń magıstraldyq jelige ashyq qol jetkizýi úshin salany reformalaýdyń birinshi daıyndyq kezeńin iske asyrý josparlanýda.

Nátıjesinde, sýbsıdııalardy ákimshilendirý jaqsarady, lokomotıvtik jetekshi kúsh qyzmetterine arnalǵan shyǵystardy esepke alýdyń ashyqtyǵy artady.

Zań jobasynyń ekinshi bóliginde jyl saıyn Ulttyq tasymaldaýshynyń kiristerin tómendetetin jasyryn tranzıtke tosqaýyl qoıý josparlanýda.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT