+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Májilis pedagog mártebesi týraly zań jobasyn ekinshi oqylymda maquldady

2019 jylǵy 4 jeltoqsan 12:30
Bólisińiz:
Májilis pedagog mártebesi týraly zań jobasyn ekinshi oqylymda maquldady

NUR-SULTAN. QazAqparat – Parlament Májilisiniń jalpy otyrysynda «Pedagog mártebesi týraly» zań jobasy ekinshi oqylymda maquldandy, dep habarlaıdy QazAqparat tilshisi.

Uqsas jańalyqtar
Júz shaqty mektepti ózim baryp tekserdim – Saparbaev dárethanalarǵa kamera ornatý jaıly Elordada lıngvısterdi daıarlaý máselesi talqylandy Atbasarda 140 oryndyq balabaqsha paıdalanýǵa berildi – Aqmola oblysy

«Zań jobasy pedagog qyzmetiniń ózekti áleýmettik jáne kásibı máselelerin sheshýge, pedagogtarǵa júktemeni azaıtýǵa, olardy kóptegen tekserýlerden, sondaı-aq olarǵa tán emes fýnktsııalardan qorǵaýǵa, jumys istep júrgen pedagogtar úshin yntalandyrý sharalaryn belgileýge, jastardy mamandyqqa tartýǵa baǵyttalǵan», - dedi depýtat Ábdimanap Bekturǵanov.

Osy oraıda ol depýtattyq korpýs engizgen basty túzetýlerge toqtaldy.

«2021 jylǵy 1 qyrkúıekten bastap orta bilim berý uıymdary pedagogtary úshin normatıvtik oqý júktemesin 18-den 16 saǵatqa tómendetý jónindegi norma bekitilip otyr. Bilim berý salasyndaǵy ókiletti organ aıqyndaıtyn tizbe turǵysynda bilim alýshylar men tárbıelenýshiler arasynda halyqaralyq olımpıadalardyń, konkýrstar men sporttyq jarystardyń jeńimpazyn daıyndaǵan padagogqa tıisti memlekettik bilim berý uıymynyń qyzmeti boıynsha únemdeý esebinen úsh laýazymdyq aılyq aqy mólsherinde bir jolǵy syıaqynyń tólenýin kózdeıtin norma engiziledi», - dedi Á. Bekturǵanov.

Onyń sózine qaraǵanda, «Qazaqstannyń eńbek sińirgen ustazy» qurmetti ataǵymen marapattalǵan pedagogqa 1 000 eselengen aılyq eseptik kórsetkish mólsherinde bir jolǵy tólem belgilenedi.

Mádenıet jáne sport salasyndaǵy memlekettik bilim berý uıymdarynyń jáne áskerı oqý oryndarynyń muǵalimderine magıstr dárejesi úshin 10 eselengen aılyq eseptik kórsetkish mólsherinde qosymsha aqy engiziledi.

«Aýyldyq jerlerde jumys isteıtin pedagogtarǵa jeke turǵyn úı qurylysy úshin jer ýchaskelerin basym tártippen berýge kepildik belgilenedi», - dedi depýtat.

Sonymen qatar, jalpy otyrysta «Qazaqstan Respýblıkasynyń keıbir zańnamalyq aktilerine pedagog mártebesi, oqýshy men muǵalimge júktemeni tómendetý máseleleri boıynsha ózgerister men tolyqtyrýlar engizý týraly» zań jobasy da ekinshi oqylymda maquldandy. Qujat Parlament Senatynyń qaraýyna jiberiledi.

Zań jobasyn qaraý barysynda depýtattyq korpýs birqatar túzetýler engizdi.

«Mektep jáne kolledj pedagogtary toltyrýǵa mindetti qaǵazdardyń tizbesin ázirleý men bekitý jónindegi bilim berý salasyndaǵy ókiletti organnyń quzyreti belgilenedi. Joǵary oqý oryndarynyń pedagogtarynan basqa barlyq pedagogtarǵa áskerı qyzmetke shaqyrýdy keıinge qaldyrý jóninde norma qarastyryldy. Buryn keıinge qaldyrý tek aýyldyq jerde jumys isteıtin pedagogtarǵa kózdelgen edi», - dedi Ábdimanap Bekturǵanov.

Bizdiń kanalymyzǵa jazylyńyz:

#Parlament   #Bilim   #Zań  
Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT