+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Májilis memlekettik satyp alýǵa qatysty qujatty maquldady

2021 jylǵy 16 maýsym 14:21
Bólisińiz:
Májilis memlekettik satyp alýǵa qatysty qujatty maquldady

NUR-SULTAN. QazAqparat – Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine memlekettik satyp alý máseleleri boıynsha ózgerister men tolyqtyrýlar engizý týraly» zań jobasy ekinshi oqylymda maquldandy, dep habarlaıdy QazAqparat tilshisi.

Atalǵan zań jobasy 2020 jylǵy 23 jeltoqsanda birinshi oqylymda maquldandy.

Jumys tobynyń zań jobasymen jumys isteýi barysynda depýtattar:

- ónim berýshini tańdaý protsesin edáýir jeńildetýge jáne jyldamdatýǵa, sondaı-aq ashyq básekeli naryq qurý esebinen bıýdjet qarajatynyń únemdelýin arttyrýǵa múmkindik beretin «elektrondyq dúken» uǵymyn naqtylaýǵa;

- áleýetti ónim berýshilerge konkýrsqa qatysýǵa ótinimdi qamtamasyz etý úshin ǵana emes, memlekettik satyp alý týraly sharttyń oryndalýyn qamtamasyz etý úshin de jeke shotqa aqsha salýǵa múmkindik beretin «elektrondyq ámııan» uǵymyn naqtylaýǵa;

- satyp alynatyn taýarlardy avtomattandyryp sáıkestendirý maqsatynda taýarlardyń birizdendirilgen sıpattamasyn qalyptastyrýǵa arnalǵan «elektrondyq taýarlar katalogy» degen jańa uǵymdy engizýge;

- «offteık-kelisimsharttar» túrindegi memlekettik satyp alý týraly uzaq merzimdi kepildendirilgen sharttar jasasýǵa;

- áleýetti ónim berýshiler týraly barlyq málimet qamtylatyn memlekettik satyp alý veb-portalynda áleýetti ónim berýshiler pasporttarynyń bazasyn qurýǵa;

- áleýetti ónim berýshilerge materıaldyq jáne eńbek resýrstaryna ǵana emes, memlekettik satyp alý týraly shart boıynsha mindettemelerdi oryndaý úshin jetkilikti qarjy resýrstaryna da ıe bolý bóliginde qoıylatyn biliktilik talaptaryn naqtylaýǵa baǵyttalǵan túzetýler, sondaı-aq jekelegen normalardy naqtylaıtyn jáne zań jobasynyń mazmunyn jaqsartatyn túzetýler engizdi.

Májilistiń Ekonomıkalyq reforma jáne óńirlik damý komıtetiniń málimetinshe, palatanyń barlyq komıteti zań jobasy boıynsha oń qorytyndylar berdi. Jumys tobyna 257 túzetý kelip tústi, olar múddeli mınıstrlikter, vedomstvolar, qoǵamdyq birlestikter men saraptamalyq uıymdar ókilderiniń qatysýymen jumys tobynyń jıyrma tórt otyrysynda, Komıtettiń keńeıtilgen otyrystarynda qaraldy.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT