+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Májilis EAEO elderimen energetıkadaǵy yntymaqtastyqqa qatysty qujatty maquldady

2021 jylǵy 16 maýsym 11:26
Bólisińiz:
Májilis EAEO elderimen energetıkadaǵy yntymaqtastyqqa qatysty qujatty maquldady

NUR-SULTAN. QazAqparat – Parlament Májilisiniń jalpy otyrysynda «2014 jylǵy 29 mamyrdaǵy Eýrazııalyq ekonomıkalyq odaq týraly shartqa Armenııa Respýblıkasynyń qosylýyna baılanysty ózgerister engizý týraly hattamany ratıfıkatsııalaý týraly» zań jobasy maquldandy, dep habarlaıdy QazAqparat tilshisi.

Uqsas jańalyqtar
Alakól jaǵalaýyndaǵy ınternet jumysyn jaqsartý qajet – senator Senatta Kaspıı teńizin lastanýdan qorǵaý týraly hattama ratıfıkatsııalandy Senat Rasýl Rahımovti Esep komıtetiniń músheligine taǵaıyndady

Eýrazııalyq ekonomıkalyq odaq týraly negizgi shartqa 2014 jylǵy 29 mamyrda Belarýs, Qazaqstan jáne Reseı arasynda qol qoıyldy. Armenııa 2014 jylǵy 10 qazanda qol qoıylǵan Armenııa Respýblıkasynyń qosylýy týraly shart aıasynda Eýrazııalyq ekonomıkalyq odaq týraly shartqa qosyldy, ony barlyq múshe memleketter ratıfıkatsııalady jáne 2015 jylǵy 2 qańtarda Armenııa onyń tolyq quqyly múshesi boldy.

«Bul rette Shartqa №21 qosymshanyń baǵa belgileý jáne tarıftik saıasat negizderin qosa alǵanda, elektr energetıkasy salasyndaǵy tabıǵı monopolııalar sýbektileriniń qyzmetterine qol jetkizýdi qamtamasyz etý týraly hattamaǵa qosymsha bolyp sanalatyn múshe memleketter arasynda elektr energııasyn (qýatyn) memleketaralyq berýdi júzege asyrý ádistemesi búgingi kúni EAEO-ǵa múshe memleketterdiń aýmaǵy boıynsha elektr energııasyn memleketaralyq berýdi júzege asyrý kezinde Armenııaǵa óz qoldanysyn taratpaıdy. Osyǵan baılanysty, 2017 jylǵy 3 naýryzda Eýrazııalyq ekonomıkalyq odaq Keńesiniń ókimimen Armenııa Respýblıkasynyń qosylýyna baılanysty EAEO shartyna ózgerister engizý týraly hattamanyń jobasy maquldandy. Hattamanyń maqsaty - Armenııanyń Shartqa qosylýyna baılanysty múshe memleketter arasynda elektr energııasyn memleketaralyq berýdi júzege asyrý ádisnamasyn aıqyndaý bolyp otyr», - dedi QR Energetıka mınıstri Nurlan Noǵaev.

Onyń aıtýynsha, Hattamany ratıfıkatsııalaý Eýrazııalyq ekonomıkalyq odaqqa múshe memlekettermen, onyń ishinde Armenııa Respýblıkasymen uzaq merzimdi keleshekte elektr energetıkasy salasyndaǵy tıimdi yntymaqtastyqty qamtamasyz etýge múmkindik beredi.

«Halyqaralyq sharttyń retteý máni baǵa belgileý men tarıftik saıasat negizderin qosa alǵanda, elektr energetıkasy salasyndaǵy tabıǵı monopolııalar sýbektileriniń qyzmetterine qol jetkizýdi qamtamasyz etý týraly hattamaǵa Armenııa Respýblıkasynyń qosylýyn eskere otyryp, Odaqqa múshe memleketter arasynda elektr energııasyn memleketaralyq berýdi júzege asyrý bolyp sanalady. Búgingi kúni hattamany Qazaqstannan basqa barlyq múshe memleketter ratıfıkatsııalady. Zań jobasyn qabyldaý teris áleýmettik-ekonomıkalyq jáne ózge de saldarǵa ákep soqtyrmaıdy, memlekettik bıýdjetten qosymsha shyǵystardy talap etpeıdi», - dedi mınıstr.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT