+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

Májilis depýtaty onkologııaǵa shaldyqqandardy emdeý júıesin ózgertýdi usyndy

2020 jylǵy 23 qyrkúıek 15:55
Bólisińiz:
Májilis depýtaty onkologııaǵa shaldyqqandardy emdeý júıesin ózgertýdi usyndy

NUR-SULTAN. QazAqparat – Parlament Májilisiniń jalpy otyrysynda depýtaty Danııa Espaeva «Aq jol» partııasy fraktsııasynan joldanǵan saýalda onkologııalyq aýrýlardy emdeý júıesin qaıta qurýdy surady, dep habarlaıdy QazAqparat tilshisi.

Onyń sózine qaraǵanda, Qazaqstanda onkologııalyq aýrýlar boıynsha dıspanserlik esepte 187 myń adam tur. Tótenshe jaǵdaı kezinde táýekel tobyndaǵy patsıentterge medıtsınalyq mekemege kelmeýge keńes berildi, al dári-dármek olardyń úılerine jetkizilýi tıis bolatyn.

Osy oraıda ol áleýmettik jelilerde medıtsına salasy koronavırýs indetimen kúreske jumyldyrylǵan kezde onkologııalyq aýrýǵa shaldyqqan adamdardyń oqıǵalary kóptep taraǵanyn aıtty.

«Olar qajetti kómek almady, ıaǵnı analız alyp, dári-dármek preperattarymen qamtamasyz etýi tıis emhanalar jabyq boldy. Osy turǵyda onkologııalyq aýrýlarda medıtsınalyq preparattardy alýda qıyndyqtar baıqaldy», - dedi D. Espaeva.

Depýtattyq saýalda qajetti preparatpen qamtamasyz etýdegi«SQ-Farmatsııanyń» kemshilikteri atalyp ótti.

«Bizdińshe, preparatpen toqtaýsyz qamtamasyz etý jaǵdaıyna karantın emes, jyldar boıy shettegi baıqaýshy retindegi qalyptasqan Densaýlyq saqtaý mınıstrliginiń pozıtsııasy, sondaı-aq «SQ-Farmatsııa» aınalasyndaǵy sybaılas jemqorlyq daýlary áser etti», - dedi D. Espaeva.

Osy oraıda ol «Aq jol» fraktsııasynyń depýtattary osyǵan deıin berneshe márte bul uıymdaǵy jemqorlyq jaǵdaıyn qatysty Úkimet pen Bas prokýratýraǵa depýtattyq saýal joldaǵanyn eske saldy.

Atalǵan máselelerdi eskere otyryp, depýtat birqatar usynysty jarııalady. Bul turǵyda onkologııalyq aýrýlardy emdeýdi uıymdastyrý júıesin qaıta jasap, karantın kezinde olarǵa qatysty em-domdy úzbeı, baqylaý júrgizý bastamasy kóterildi.

Sonymen qatar COVID 19-dan qorǵaný sharalaryn qamtamasyz etip, josparly emdeýdi qarastyrý, preparattyń jetkilikti kólemin qamtý qajettigi aıtyldy.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT