+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Májilis depýtaty maldyń qyrylýyn toqtatýǵa qatysty usynys bildirdi

2021 jylǵy 16 maýsym 12:04
Bólisińiz:
Májilis depýtaty maldyń qyrylýyn toqtatýǵa qatysty usynys bildirdi

NUR-SULTAN. QazAqparat - Parlament Májilisiniń jalpy otyrysynda depýtat Edil Jańbyrshın Atyraý, Aqtóbe, Qyzylorda, Mańǵystaý jáne Túrkistan oblystarynyń aýyl sharýashylyǵy salasyna qıyndyq týǵyzyp otyrǵan máselelerdi kóterdi, dep habarlaıdy QazAqparat tilshisi.

Uqsas jańalyqtar

«Ásirese, Mańǵystaý men Qyzylorda oblystarynda ata-babamyzdan qalǵan asyl muranyń biri – tórt túlik maldy ustap otyrǵan sharýashylyqtar men turǵyndar asa aýyr jaǵdaıda. Elde oryn alǵan sý tapshylyǵy men qýańshylyq jaılymdyq jerlerdiń jaǵdaıyn ketirdi. Osy jaǵdaı tıisinshe maldyń shyǵynyna ákeldi. 2020 jyly Mańǵystaý oblysynda 4883 mal basynyń ólimi tirkelse, bıyl birinshi toqsan qorytyndysy boıynsha 1332 bas mal ólgen. Bul málimet tek syrǵalanǵan, tirkelgen mal shyǵyny boıynsha ǵana, al, oblystaǵy maldyń 56% quraıtyn qalyń buqaranyń qansha maly qyrylǵany belgisiz», - dedi E. Jańbyrshın Úkimet basshysynyń orynbasary Roman Sklıardyń atyna joldaǵan depýtattyq saýalynda.

Sonymen qatar ol mundaı jaǵdaı Qyzylorda oblysynda da tirkelgenin, 481 bas mal qyrylǵanyn aıtty. Osyndaı jaǵdaı mal azyǵynyń baǵasyn eselep kóterip jiberdi. Baǵany kóterip otyrǵan jol shyǵyndary jáne osydan paıda kórip qalaıyn dep otyrǵan deldaldar.

«Osy zaýaldyń kesirinen qanshama otbasy aýyr jaǵdaıǵa ushyrady, qanshama sharýashylyq jer sıpap qaldy?! Onyń esebi bar ma? Osyndaı jutta halyqqa qalaı kómek beremiz?! Árıne, halyq birinshi kezekte Parlamentke, Úkimetke úmit artady. Qazirgi tańda Aýyl sharýashylyq mınıstrligi jáne jergilikti atqarýshy bılik jem-shóp jetkizý, qarjy bólý sııaqty sharalardy iske asyryp jatyr. Alaıda, bul kómek barlyq mal sharýashylyǵy men jeke adamdardyń mal basyn qamtymaıdy, sondaı-aq jetkizilip otyrǵan azyqtyń baǵasy qoljetimdi bolmaı tur. Jalpy, bolyp jatqan jaǵdaı, ár óńirdiń erekshelikterin eskergen, ǵylymı zertteýlerge negizdelgen elimizdiń mal sharýashylyǵyn damytýǵa arnalǵan júıeli-josparly jumystyń joqqa jaqyn ekenin aıqyn kórsetip otyr. 21 ǵasyrda kosmosty ıgerip, Avstralııa men Kanadadan asyl tuqymdy mal aldyryp, dúnıeniń bárin tsıfrlandyryp jatqanda, malǵa azyq taýyp bere almaı jatqanymyz óte uıat!», - dedi depýtat.

Osyǵan oraı azamattarǵa kómek kórsetý maqsatynda jáne mal basyn aman alyp qalý úshin tıisti usynystar jasaldy:

1. Qalyptasqan jaǵdaılarǵa baılanysty jut jaılaǵan naqty aýdandar men aımaqtarda shuǵyl túrde jergilikti dárejedegi tótenshe jaǵdaı jarııalanyp, olarǵa tıisti bıýdjettik kózderden jáne materıaldyq qorlardan naqty kómekter kórsetilýi tıis;

2. Zardap shegip jatqan aýdandarǵa mal azyǵyn jetkizý úshin kórshi oblystardan tasymaldanatyn mal azyǵynyń jol shyǵyndaryn sýbsıdııalap, tıisti ákimshilik-basqarý sharalaryn iske asyrý qajet;

3. Qýańshylyqtan qıyndyq kórip otyrǵan óńirlerge basqa oblystardan tez arada mal jaıýǵa jáne mal azyǵyn daıyndaýǵa jer telimderi ýaqytsha paıdalanýǵa berý;

4. Mundaı jaǵdaı aldaǵy ýaqytta oryn alý yqtımaldyǵyn eskerip, mal sharýashylyǵymen aınalysatyn tulǵalarǵa jedel kómek kórsetý, saqtandyrý, aımaq aralyq qatynastardy júıeleýdiń naqty, keshendi mehanızmderi men algorıtmderin jasaqtaýy tıis.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT