+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Májilis depýtaty kompanııalarǵa mindetti aýdıt ne úshin kerektigin túsindirdi

2020 jylǵy 27 aqpan 13:52
Bólisińiz:
Májilis depýtaty kompanııalarǵa mindetti aýdıt ne úshin kerektigin túsindirdi

NUR-SULTAN. QazAqparat – Jyldyq kirisi 4 mlrd teńgeden asatyn kompanııalarǵa mindetti aýdıt engizý kásipkerlik sýbektilerine tıimdi bolady. Bul týraly Májiliste aýdıtorlyq qyzmetke qatysty zań jobasy tanystyrý kezinde tilshilerge depýtat Omarhan Óksikbaev málim etti, dep habarlaıdy QazAqparat tilshisi.

Búgin Májiliste Qazaqstan Respýblıkasynyń keıbir zańnamalyq aktilerine aýdıtorlyq qyzmet máseleleri boıynsha ózgerister men tolyqtyrýlar engizý týraly» zań jobasy tanystyryldy.

«Bul jalpy álemde qoldanylyp otyrǵan tájirıbe. Bul baǵytta elimizde eń joǵary mejeni qoımaqpyz. Reseı men Belarýs elin alatyn bolsaq, olarda tabysy 2 mlrd teńgeden asqan kásiporyndardy mindetti aýdıtke jatqyzyp otyr. Biz tabysy 4 mlrd teńgeden asqandardy qamtyp otyrmyz. Bul qadam qomaqty qarjy aınalymy bar kompanııalardyń qyzmetindegi ashyqtyqty, jarııalyqty qamtamasyz etedi, sondaı-aq «kóleńkeli» ekonomıkaǵa tosqaýyl qoıýdyń jáne salyq tolyqqandy tólengendigine kóz jetkizetin júıe. Ony tıimdi baǵyt dep bilemin», - dep toqtaldy depýtat tilshiler saýalyna jaýap bere otyryp.

Olsy oraıda Omarhan Óksikbaev tabysy 4 mlrd teńgeden asatyn kompanııa aýdıtorlyq kompanııaǵa 2-3 mln teńge tólep, eseptilikti retke keltirse, budan kásiporyn utatynyn atap ótti.

ıAǵnı tabysy qomaqty kompanııalardyń aýdıtorlarǵa arnalǵan mindetti tólemi olardyń bıznesine kedergi bolmaıdy.

«Kerisinshe, mindetti aýdıt iri kompanııalardyń jumysyna úlken kómek jasaıdy, ıaǵnı bıznestiń damýyna senimdilikti uıalatady. Mindetti túrde aýdıt ótken kompanııaǵa seriktester de kóptep tartylady», - dedi O. Óksikbaev.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT