+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Májilis depýtaty elordadaǵy kórnekti kóshelerdiń birine Joshy han esimin berýdi usyndy

2019 jylǵy 11 qyrkúıek 12:10
Bólisińiz:
Májilis depýtaty elordadaǵy kórnekti kóshelerdiń birine Joshy han esimin berýdi usyndy

NUR-SULTAN. QazAqparat - QR Parlamenti Májilisiniń jalpy otyrysynda depýtat Baqytbek Smaǵul elordadaǵy kórnekti kóshelerdiń birine Joshy han esimin berýdi usyndy, dep habarlaıdy QazAqparat tilshisi.

«Altyn Ordanyń 750 jyldyǵy aıasynda tıisti máselelerge mán berýńizdi suraımyn. Birinshiden, astanamyz Nur-Sultan qalasyndaǵy kórnekti kóshelerdiń birine Joshy han esimin berý jáne ol kóshe boıynda ulys hanynyń eńseli eskertkishin ornatý – ulttyq rýhymyzdy asqaqtatyp, eldigimizdi óz azamattarymyzǵa ǵana emes, elordamyzdyń árbir qonaǵyna pash eter shara bolmaq», - dedi B. Smaǵul Úkimet basshysy Asqar Mamınniń atyna joldaǵan depýtattyq saýalynda.

Sonymen qatar ol Joshy hannyń Qaraǵandy oblysyndaǵy, Jezqazǵannyń soltústik-shyǵysynda 50 shaqyrymdaı jerdegi Joshy han kesenesi – Shyńǵys han men onyń áýletinen jer betinde qalǵan jalǵyz belgi ekenin atap ótti.

«Sondyqtan onyń janynan bul mazardyń dúnıejúzi tarıhyn ózgertken dara tulǵaǵa tıesili ekenin alystan áıgilep turar aıbyndy eskertkish-belgi turǵyzý mańyzdy. Shyńǵys hannyń úlken ulyna arnalǵan tarıhı keshen tek Shyǵys elderi úshin ǵana emes, sondaı-aq búkil álemdegi saıahatshylar men zertteýshiler úshin zor qyzyǵýshylyq týdyryp, týrıstik tartymdy orynǵa aınalary sózsiz», - dedi B. Smaǵul.

Onyń sózine qaraǵanda, Altyn ordanyń 750 jyldyǵy aıasynda Joshy han, Alasha han kesenelerine keshendi túrde arheologııalyq, etnografııalyq zertteý jumystary júrgizilgeni jón. Kesenedegi tańbalar men jazýlardy tarıhı, tildik turǵyda zerttep, restavratsııa jáne konservatsııa jumystaryn júrgizý qajet.

«Besinshiden, HІІІ ǵasyrdyń eskertkishi jáne planetamyzdaǵy Shyńǵys han áýletinen qalǵan jalǵyz belgi retinde Joshy han kesenesin keleshekte ıÝNESKO-nyń «Dúnıejúzilik mádenı mura tizimine» engizý joldaryn qarastyrǵan jón. Sebebi, halyqaralyq bedeldi týrıstik operatorlar, jeke saıahatshylar saparyn josparlaǵanda, kóbine ıÝNESKO tizimine engen eskertkishterge qarap, baǵyt-baǵdar túzedi», - dedi depýtat.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT