+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Májilis depýtattyǵyna kimder kandıdat bola almaıdy

2020 jylǵy 21 qazan 16:00
Bólisińiz:
Májilis depýtattyǵyna kimder kandıdat bola almaıdy

NUR-SULTAN. QazAqparat – Ortalyq saılaý komıssııasy tóraǵasynyń orynbasary Konstantın Petrov partııalyq tizimder boıynsha saılanatyn Májilis depýtattarynyń kezekti saılaýyna daıyndyq jáne ony ótkizý jónindegi negizgi is-sharalardy baıandady, dep habarlaıdy QazAqparat tilshisi.

Uqsas jańalyqtar
Saılaý ýchaskeńizdi qalaı bilýge bolady

Ol Ortalyq saılaý komıssııasy belgilengen ókilettikterge sáıkes, QR Prezıdenti men Parlamenti Májilisi depýtattarynyń saılaýyna daıyndyqty jáne ony ótkizýdi uıymdastyratynyn habarlady.

Osyǵan baılanysty, partııalyq tizimder boıynsha saılanatyn Májilis depýtattarynyń saılaýyna daıyndyq jáne ony ótkizý jónindegi negizgi is-sharalardyń kúntizbelik jospary bekitildi.

Parlament Májilisiniń depýtattyǵyna el aýmaǵynda sońǵy 10 jylda turaqty turyp jatqan, 25 jasqa tolǵan Qazaqstan Respýblıkasynyń azamaty kandıdat bola alady.

Qazaqstan Parlamentiniń depýtattyǵyna, onyń ishinde partııalyq tizimder boıynsha kandıdat bola almaıdy:

1) zańda belgilengen tártippen ótelmegen nemese alynbaǵan sottylyǵy bar adam;

2) sotpen zańda belgilengen tártippen sybaılas jemqorlyq qylmys jáne sybaılas jemqorlyq quqyq buzýshylyq jasaýda kinásin moıyndaǵan adamdy.

Partııalyq tizimder boıynsha saılanatyn Májilis depýtattyǵyna kandıdattar usyný quqyǵy belgilengen tártippen tirkelgen saıası partııalarǵa tıesili.

Saıası partııa partııalyq tizimderdi bekitý kezinde oǵan engizilgen adamdardyń jalpy sanynyń keminde 30 protsenti mólsherinde áıelder men 29 jasqa tolmaǵan adamdardy qamtıdy.

Bekitilgen josparǵa sáıkes, kandıdattardy usyný kezeńi daýys berý kúninen eki aı buryn bastalady jáne daýys berý kúninen qyryq kún buryn jergilikti ýaqytpen saǵat on segizde aıaqtalady. ıAǵnı, aǵymdaǵy jylǵy 10 qarashadan bastap 30 qarasha kúngi saǵat 18-00-ge deıin.

Partııalyq tizimderdi tirkeý saılaýdan eki aı buryn bastalady jáne saılaýǵa bir aı qalǵanda jergilikti ýaqytpen saǵat 18.00-de aıaqtalady. ıAǵnı, 2020 jylǵy 10 qarashadan 10 jeltoqsan kúngi saǵat 18:00-ge deıin.

Zańǵa sáıkes, saılaý aldyndaǵy úgit partııalyq tizimderdi tirkeý merzimi aıaqtalǵan kezden bastalady jáne saılaý bolatyn kúnniń aldyndaǵy kúngi jergilikti ýaqyt boıynsha saǵat 00.00-de aıaqtalady.

Osylaısha, partııalyq tizimder boıynsha saılanatyn Parlament Májilisi depýtattarynyń kezekti saılaýynyń jalpy uzaqtyǵy taǵaıyndalǵan kúnnen bastap daýys berý kúnine deıin 82 kúndi quraıdy.

Aıta keteıik, búgin Memleket basshysy Qasym-Jomart Toqaev QR Parlamenti Májilisi jáne máslıhat depýtattary saılaýyn taǵaıyndaý týraly úndeý jarııalady.

«Búgin men Parlament Májilisi depýtattarynyń saılaýyn taǵaıyndaý týraly Jarlyqqa qol qoıdym. Ortalyq saılaý komıssııasynyń qaýlysymen barlyq deńgeıdegi máslıhat depýtattarynyń saılaýy taǵaıyndalady. Aldaǵy saılaý konstıtýtsııalyq merzimge sáıkes, 2021 jyldyń 10 qańtarynda ótedi. Barlyq saıası partııalardyń bul saılaý naýqanyna qatysýǵa daıyndalýyna, saılaý aldyndaǵy platformasyn ázirleýine, partııalyq ınfraqurylymdardy jetildirýine ýaqyty jetkilikti boldy. Ortalyq saılaý komıssııasy men Bas prokýratýra saılaýdyń zańdylyǵyn, ashyqtyǵyn jáne ádildigin saqtaý úshin turaqty baqylaý júrgizip otyrady», - dedi Prezıdent.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT