+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Májilis depýtattaryna kásipkerlikti qoldaý jóninde usynystar berildi

2021 jylǵy 13 shilde 13:28
Bólisińiz:
Májilis depýtattaryna kásipkerlikti qoldaý jóninde usynystar berildi

TÚRKІSTAN. QazAqparat - QR Parlamenti Májilisiniń depýtattary, «Nur Otan» fraktsııasynyń músheleri Qaınar Abasov pen Syrym Ertaev Túrkistan oblysy, Kentaý qalasynda boldy. Kentaý transformator zaýytynda jumysshylarymen kezdesken halyq qalaýlylary el kókeıindegi suraqtarǵa jaýap berip, usynystaryn tyńdady, dep habarlaıdy QazAqparat tilshisi.

Uqsas jańalyqtar
2 myńnan astam apatty uńǵymadan sý dalaǵa aǵyp jatyr - depýtat

Kezdesý kezinde «Nur Otan» partııasynyń «Ózgerister joly: Ár azamatqa laıyqty ómir!» atty saılaýaldy baǵdarlamasynyń oryndalý barysy týraly da sóz qozǵaldy.

Óz kezeginde zaýyt jumysshylary halyq qalaýlylaryna óndiris oryndarynda, aýyr jumys isteıtin áıelderdiń zeınet jasyn tómendetý jóninde usynys-tilekterin bildirdi.

Sonymen birge 2006 jyldan beri jer kezeginde turǵan turǵyn óziniń kezekten syzylyp ketkeni týraly aıtyp, osy máseleni sheship berýdi surady.

Depýtat Qaınar Abasov atalǵan usynystardy nazarǵa alatynyn jetkizdi. Zeınet jasyn tómendetý máselesi tereń saraptaýdy qajet etetin dúnıe ekenin, saılaýshylardyń talaptary boıynsha izdenip, jumys júrgizetinin málimdedi.


Sonymen qatar «Kentaý trasformator zaýyty» AQ basqarma tóraǵasy Haırýlla Qojabaev depýtattarǵa «jańa stanoktar men mashınalar alýǵa memleketten jeńildetilgen nesıe qarastyrylsa, monoqalalardy damytý baǵdarlamasy arqyly 1 paıyzdyq nesıe berilse» degen usynysyn ortaǵa saldy.

Ol máseleni zaýyt jumysshylary da qozǵady. 60 jyldyq tarıhy bar zaýyt transformatordyń 400-den astam túrin qurastyrady.

1200-den astam adam jumyspen qamtylǵan zaýyt óndirgen ónimniń 40 paıyzy eksporttalady.

Biraq shetelden jáne elimizden kelgen suranysty tolyq oryndaý úshin zaýytqa sapaly stanoktar aýadaı qajet bolyp tur.

Eger memleket tarapynan qoldaý kórsetilip, másele sheshimin tapsa, óndiris eki ese artady.

Bul usynystardy tyńdaǵan depýtat Syrym Ertaev «Nur Otan» partııasynyń «Ózgerister joly: Ár azamatqa laıyqty ómir!» atty saılaýaldy baǵdarlamasynda eksporttaýshy kásiporyndardy qoldaý basym baǵytqa ıe ekenin málimdedi.

«Saılaýaldy baǵdarlamany oryndaý arqyly aldaǵy 5 jylda elimizdegi belsendi eksporttaýshy kompanııalar sanyn 400-den 1000-ǵa deıin arttyrý kózdelip otyr. Sonymen birge shıkizattyq emes eksportty 2,5 ese arttyrý jospary bar. Aýyldardy aralaý barysynda kásipkerler tarapynan osy baǵytta usynystar men ótinishter jıi aıtyldy. Ásirese pandemııa saldarynan jumysy toqtap qalǵan kásiporyndarǵa memlekettik qoldaý asa qajet. Biz kásiporyndardy nesıelendirý barysyn jandandyrý úshin Parlamentte tıisti usynystar joldaımyz», – dedi ol.

Al, Qaınar Begalyuly transformator zaýytynyń Orta Azııada jetekshi kásiporyn ekenin aıta kele osy kezdesýde kóterilgen usynystar nazarǵa alynatynyn jetkizdi.

Qazirgi tańda otandyq óndirýshilerdi qoldaý boıynsha zań jobasy ázirlenip jaqanyn aıtqan ol jumysshy tobyna ene otyryp, kásiporyndardy nesıelendirý boıynsha naqty usynystar beretinin atap ótti.

«Nur Otan» partııasy Túrkistan oblystyq fılıaly tóraǵasynyń birinshi orynbasary, fraktsııa jetekshisi Beısen Tájibaev árbir usynys nazarǵa alynatynyn aıta kele Jol kartasy jóninde túsindirip ótti.

Jalpy Parlament Májilisiniń depýtattary 7 shildeden beri Túrkistan oblysynyń barlyq derlik aýdan-qalalaryn, eldi mekenderin aralap shyqty.

Qoǵamdyq qabyldaý ótkizip, «Nur Otan» partııasynyń saılaýaldy baǵdarlamasyndaǵy Jol kartasynyń oryndalý barysyn saralady. Іssapar áli de jalǵasýda.

Aldaǵy ýaqytta saılaýaldy baǵdarlamany oryndaý arqyly óńirdegi ózekti máselelerdi sheshý jolynda jumystar jalǵasyn tabady.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT