+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Májilis depýtattary Jambyl oblysynda júr

2021 jylǵy 14 shilde 01:03
Bólisińiz:
Májilis depýtattary Jambyl oblysynda júr

TARAZ. QazAqparat – Jambyl oblysynyń ákimi Berdibek Saparbaev Parlament Májilisiniń depýtattary Meırambek Tólepbergenov pen Gúldara Nurymovamen kezdesti, dep habarlaıdy QazAqparat tilshisi.

Uqsas jańalyqtar
Senatorlar zań biliminiń sapasy máselelerin talqylady Jambylda eki kólik soqtyǵysyp, órtenip ketti: eki adam mert boldy Nurlan Nyǵmatýlın: Májilis ekologııa salasyndaǵy halyqaralyq kelisimderdi qaraıdy

Kezdesýde aımaq basshysy oblys ekonomıkasynyń jaı-kúıi týraly qysqasha toqtalyp ótti.

«El Prezıdenti Qasym-Jomart Toqaevtyń tóraǵalyǵymen ótken Úkimettiń keńeıtilgen otyrysynda elimizdiń jarty jyldaǵy áleýmettik-ekonomıkalyq damýynyń qorytyndylary qaraldy. Óńir ekonomıkasynyń barlyq baǵytynda oń dınamıka baıqalady. Biz munymen shektelip qalmaımyz, ekonomıkalyq ósýdiń joǵary qarqynyn saqtaý úshin barynsha jumys jasaýdamyz», - dedi Berdibek Saparbaev.

Oblys ákimi búgingi tańda mal sharýashylyǵy úshin jem-shóp daıyndaý mańyzdy ári ózekti máselelerdiń biri bolyp otyrǵanyn tilge tıek etti.

«Memleket basshysy bul máselege aıryqsha nazar aýdarýda. 2021- 2022 jylǵy kezeńde 992 myń bas mal basy qystatylady dep kútilýde.

Qystaýdy qalypty rejımde ótkizý úshin 1,7 mıllıon tonna shóp daıyndaý josparlanýda. Biz jambyldyqtardy mal azyǵyn daıyndaýǵa jáne saılar men ózen arnalarynda shóp shabýǵa belsene atsalysýǵa shaqyramyz», - dep atap ótti oblys ákimi.

B. Saparbaev oblysta aýyldyq okrýg ákimderin saılaýǵa daıyndyq qyzý júrip jatqanyn jetkizdi. Saılaý 41 aýyldyq okrýgte ótedi.

«Saılaýǵa qatysýshylardyń bárine birdeı jaǵdaı jasalady», - dep sendirdi aımaq basshysy.

Sondaı-aq, óńirdegi týrızm salasyn damytý jaıy da sóz boldy.

«Oblys ortalyǵynda Atlah shaıqasynyń 1270 jyldyǵyna arnalǵan ǵylymı-tájirıbelik konferentsııa ótken bolatyn. Bul data ata-babalarymyzdyń baı murasyn zertteı túsýge múmkindik berip otyr.

Atalǵan shaıqastyń túrki halyqtary úshin mańyzy zor. Aıtalyq, sol oqıǵadan keıin Qytaıdan tys jerlerde de qaǵaz óndirisiniń bastaý aldy. Tutqyndardyń arasynda qaǵaz shyǵarýdyń qupııasyn biletin Qytaı sheberleri de boldy», - dep atap ótti oblys ákimi.

Basqosý barysynda «Nur Otan» partııasynyń saılaýaldy baǵdarlamasyn iske asyrýǵa, densaýlyq saqtaý salasyn damytýǵa qatysty máseleler de talqylandy.

«Tarazǵa tartý» jobasyn aıryqsha ótkimiz keledi. Bul joba aıasynda jańa áleýmettik nysandar salynyp, saıabaqtar men skverler jańǵyrtylýda desek, ol óz kezeginde tarıhy tereń shahardyń týrıstik áleýetiniń artýyna da oń áser eteri sózsiz», - dedi Meırambek Tólepbergenov.

Sonymen qatar, Meırambek Tólepbergenov pen Gúldara Nurymova oblys ákimine aýdandaryndaǵy kezdesýler barysynda turǵyndar kótergen máseleler týraly habarlady. Berdibek Saparbaev áleýmettik máselelerdiń kezeń-kezeńimen sheshilip jatqanyn atap ótti.

Aıta keteıik, buǵan deıin oblys ákimi Berdibek Saparbaev QR Parlamenti Májilisiniń depýtattary Andreı Lınnık jáne Ilıas Býlarovpen kezdesken bolatyn.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT