+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Májilis depýtattary: Parlamentaralyq yntymaqtastyqty nyǵaıtý – ýaqyt talaby

2020 jylǵy 18 qyrkúıek 15:21
Bólisińiz:
Májilis depýtattary: Parlamentaralyq yntymaqtastyqty nyǵaıtý – ýaqyt talaby

NUR-SULTAN. QazAqparat - Májilis depýtattary qyrkúıek aıynan bastap onlaın formatta birqatar halyqaralyq forýmdarǵa qatysýda, dep habarlaıdy QazAqparat Májilistiń baspasóz qyzmetine silteme jasap.

Májilistiń Áleýmettik-mádenı damý komıtetiniń tóraǵasy Beıbit Mamraev pen depýtat Záýresh Amanjolova Túrkitildes elder Parlamenttik Assambleıasynyń músheleri densaýlyq saqtaý máseleleri jónindegi komıtetteri basshylarynyń otyrysyna qatysty.

Beınekonferentsııa rejıminde ótken jıynda COVID-19 pandemııasynyń máseleleri, onyń ishinde TúrkPA-ǵa múshe elderge áseri men saldary jaıly talqylandy.

Erekshe nazar áleýmettik-ekonomıkalyq turaqtylyqty qamtamasyz etý máselelerine, sondaı-aq densaýlyq saqtaý salasyndaǵy yntymaqtastyqty nyǵaıtý, zertteýler men ınnovatsııalardy keńeıtý qajettiligine aýdaryldy.


Beıbit Mamraev COVID-19 pandemııasynyń ózekti máselelerin talqylaýǵa arnalǵan osyndaı otyrystar koronavırýspen kúreste ózara áreket etýge múmkindik beretinin atap ótti.

Májilis depýtatynyń aıtýynsha, epıdemııa elder arasyndaǵy yntymaqtastyqty odan ári arttyra tústi. Tıimdi seriktestiktiń mysaly retinde EAEO-da COVID-19 jáne basqa da juqpaly aýrýlardyń taralýyn boldyrmaýdyń qabyldanǵan keshendi jospary, sondaı-aq ShYU keńistiginde epıdemııa qaýpine qarsy birlesken is-qımyl týraly málimdemeni iske asyrý jónindegi birlesken is-qımyl jospary bar.

Sondaı-aq, B.Mamraev áriptesterine pandemııaǵa qarsy sharalardy zańnamalyq qamtamasyz etý boıynsha Májilis depýtattarynyń jumysy týraly habardar etti. Parlament depýtattary sanıtarlyq-epıdemıologııalyq talaptar «Halyq densaýlyǵy jáne densaýlyq saqtaý júıesi týraly»kodekste qarastyrylǵanyna jáne jańa ekologııalyq kodeks jobasy aıasynda adamdardyń ómirine qolaıly jaǵdaılar jasaý, densaýlyǵyn saqtaý máseleleri pysyqtalyp jatqanyn aıtty.

Májilis depýtaty Ivan Klımenko koronakrızıstiń áleýmettik-ekonomıkalyq aspektisi týraly aıta otyryp, Ortalyq Azııa memleketteri arasyndaǵy saýda-ekonomıkalyq yntymaqtastyqty keńeıtý qajettiligine mán berdi. Aldyńǵy qatarda, depýtattyń aıtýynsha, halyqtyń jumyspen qamtylýy men kiristerin saqtaý mindeti tur. Forýmǵa qatysýshylar azyq-túlik qaýipsizdiginiń ózektiligin de atap ótti.

Jıyn barysynda depýtattar jańa ınfektsııalardy, atap aıtqanda, pnevmonııany tıimdi emdeý úshin qajetti ǵylymı ázirlemelerge ınvestıtsııalardyń jetkiliksiz damýyn alǵa tartty.

Aǵymdaǵy parlamenttik sessııada Májilis depýtattarynyń áriptesterimen parlamentaralyq yntymaqtastyq toptary sheńberinde ózara is-qımyl tájirıbesi jalǵasýda.

Sonymen qatar Májilis depýtattary Snejanna Imasheva men Shavhat Ótemisov Izraıldiń Knesseti (Parlamenti) uıymdastyrǵan beınekonferentsııaǵa qatysty. Ekologııa jáne tabıǵatty paıdalaný komıtetiniń tóraǵasy Gleb Shegelskıı men májilismender Artýr Platonov jáne Sergeı Sımonov Pravoslavıe Parlamentaralyq Assambleıasynyń 27-shi Bas Assambleıasynyń jumysyna qatysý kezinde parlamentaralyq yntymaqtastyqty keńeıtý jaıly pikir bildirdi.


Bizdiń kanalymyzǵa jazylyńyz:

Bólisińiz:

Avtor:

Gúlzat Aqjolova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT