+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Májilis beıbit jınalystardy uıymdastyrýǵa qatysty zań jobasyn maquldady

2020 jylǵy 8 sáýir 12:17
Bólisińiz:
Májilis beıbit jınalystardy uıymdastyrýǵa qatysty zań jobasyn maquldady

NUR-SULTAN. QazAqparat – QR Parlamenti Májilisiniń jalpy otyrysynda «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» zań jobasy ekinshi oqylymda maquldandy, dep habarlaıdy QazAqpar tilshisi.

Zań jobasynyń maqsaty - azamattardyń beıbit jáne qarýsyz jınalýǵa, jınalystar, mıtıngiler men demonstratsııalar, sherýler men pıketteý ótkizýge konstıtýtsııalyq quqyqtaryn iske asyrý.

Zań jobasynda pıketter, mıtıngiler, jınalystar nysanyndaǵy beıbit jınalystardy ótkizý úshin habarlama jasaý tártibi engiziledi. Bul rette jergilikti atqarýshy organnyń jaýaby bolmaǵan jaǵdaıda, beıbit jınalysty ótkizý únsiz kelisim boıynsha kelisildi dep esepteledi. Buǵan qosa, demonstratsııa, sherý nysanyndaǵy beıbit jınalystardy ótkizý úshin jergilikti atqarýshy organnyń kelisimin alý qajet.

Zań jobasynda beıbit jınalystardy mamandandyrylǵan oryndarda ǵana ótkizý kózdeledi, olardy jergilikti máslıhat aıqyndaıtyn bolady. Mamandandyrylǵan oryndar uıymdastyrý yńǵaılylyǵyn, kólik qoljetimdiligin, jınalystardy uıymdastyrýshylar men qatysýshylardyń da, basqa adamdardyń da qaýipsizdigin, olardyń ınfraqurylym obektilerin paıdalaný múmkindigin qamtamasyz etýge tıis. Zań jobasynda beıbit jınalystardy ótkizý úshin balamaly oryndy usyný quqyǵy da kózdelgen.

Beıbit jınalystardy ótkizý týraly habarlamany berý merzimi – bes jumys kúnine deıin, al demonstratsııa, sherý nysanyndaǵy beıbit jınalystardy ótkizýdi kelisýdi alý týraly ótinishti berý merzimi on jumys kúnine deıin qysqartyldy. Osyǵan baılanysty, jergilikti atqarýshy organdar osy qujattardy tıisinshe úsh jáne jeti jumys kúni ishinde qaraýǵa tıis.

Mamandandyrylǵan oryndardyń bar-joǵy jáne bos ne bos emestigi týraly aqparattyń ashyq ári obektıvti bolýy maqsatynda jergilikti atqarýshy organdardyń quzyretine óz ınternet-resýrsynda beıbit jınalystardy ótkizýge arnalǵan mamandandyrylǵan oryndardyń tizbesin, sondaı-aq olardyń bos ne bos emes ekendigi týraly aqparatty ornalastyrýdy júkteıtin túzetý engizildi. Bul beıbit jınalystardy uıymdastyrýshylarǵa osyndaı orynnyń bos ne bos emes ekenin eskere otyryp, óz is-sharalaryn aldyn ala josparlaýǵa múmkindik beredi.

Budan basqa, quqyqtyq olqylyqtardy bolǵyzbaý, zań jobasynyń normalaryn bir-birine jáne basqa da zańnamalyq aktilerge sáıkes keltirý maqsatynda redaktsııalyq, naqtylaýshy sıpattaǵy túzetýler engizildi.

Sonymen qatar, Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine Qazaqstan Respýblıkasynda beıbit jınalystardy uıymdastyrý jáne ótkizý

tártibi máseleleri boıynsha ózgerister men tolyqtyrý engizý týraly» ilespe zań jobasy da ekinshi oqylymda maquldandy.

«Zań jobasy qoldanystaǵy normatıvtik aktilerdi «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» zań jobasyna sáıkes keltirýge baǵyttalǵan. Atap aıtqanda, depýtattar Ákimshilik quqyq buzýshylyq týraly kodekstiń 488-babyna beıbit jınalystardy uıymdastyrý jáne ótkizý tártibi týraly zańnamany buzǵany úshin jaýaptylyqqa qatysty túzetýler engizdi», - dedi Májilistiń Zańnama jáne sot-quqyqtyq reforma komıtetiniń múshesi Qanat Mýsın.

Onyń sózine qaraǵanda, beıbit jınalystardy uıymdastyrý jáne ótkizý tártibi týraly jańa zań jobasy beıbit jınalystar bostandyǵyna arnalǵan quqyqty iske asyrý rásimin edáýir ońaılatty: habarlama jasaý tártibi engizildi, jınalysty ótkizý paıdasyna prezýmptsııasy belgilendi, rásimder men qabyldanatyn sheshimderdiń ashyqtyǵy qamtamasyz etildi.


Bizdiń kanalymyzǵa jazylyńyz:

Basty sózder: Parlament, Qoǵam, Zań,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT