+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Májilis arsenaldar men bazalarǵa qatysty qujatty maquldady

2020 jylǵy 8 sáýir 13:30
Bólisińiz:
Májilis arsenaldar men bazalarǵa qatysty qujatty maquldady

NUR-SULTAN. QazAqparat – Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine Qarýly Kúshterdiń, basqa da áskerler men áskerı quralymdardyń arsenaldary, bazalary men qoımalary janyndaǵy tyıym salynǵan aımaqtar men tyıym salynǵan aýdandar máseleleri boıynsha ózgerister men tolyqtyrýlar engizý týraly» zań jobasy ekinshi oqylymda maquldandy, dep habarlaıdy QazAqparat tilshisi.

Uqsas jańalyqtar
Nurlan Nyǵmatýlın TúrkPA Bas hatshysymen kezdesti

Zań jobasynyń negizgi maqsaty - Qarýly Kúshterdiń, basqa da áskerler men áskerı quralymdardyń oq-dárileri arsenaldarynyń, bazalary men qoımalarynyń qaýipsiz jumys isteýin, sondaı-aq oq-dárilerdi saqtaý kezinde tótenshe jaǵdaıdyń týyndaýy múmkin bolǵan jaǵdaıda halyqty, azamattyq jáne basqa da ınfraqurylymdy qorǵaýdy qamtamasyz etý boıynsha zańnamany jetildirý.

«Qaralyp otyrǵan zań jobasynyń tujyrymdamasy bıylǵy 26 naýryzda Májilistiń jalpy otyrysynda birinshi oqylymda maquldandy. Zań jobasymen jumys barysynda depýtattar birshama túzetýler engizdi», - dep toqtaldy Májilistiń Halyqaralyq ister, qorǵanys jáne qaýipsizdik komıtetiniń tóraǵasy Muhtar Erman.

Zań jobasymen kelesi túzetýler eskerilgen:

- Qarýly Kúshterdiń, basqa da áskerler men áskerı quralymdardyń arsenaldary, bazalary men qoımalary ornalasqan jer ýchaskelerin jáne belgilengen tyıym salynǵan aımaqtar men tyıym salynǵan aýdandar sheginde olarǵa irgeles jatqan aýmaqtardy qorǵanys jáne ulttyq qaýipsizdik muqtajyna arnalǵan jerge jatqyzýǵa;

- Qarýly Kúshterdiń, basqa da áskerler men áskerı quralymdardyń arsenaldaryn, bazalary men qoımalaryn ornalastyrýǵa jáne olardyń qyzmeti úshin berilgen jer ýchaskelerin, sondaı-aq belgilengen tyıym salynǵan aımaqtar men tyıym salynǵan aýdandar sheginde olarǵa irgeles jatqan aýmaqtardy jeke jáne zańdy tulǵalardyń ýaqytsha jer paıdalanýyna berýge tyıym salýdy engizýge;

- sáýlet, qala qurylysy jáne qurylys isteri, sondaı-aq memlekettik sáýlet-qurylys baqylaý jónindegi jergilikti atqarýshy organdardyń ózderine zańnamamen júktelgen talaptardy oryndamaǵany nemese tıisinshe oryndamaǵany úshin salynatyn ákimshilik aıyppul mólsherin jıyrmadan – júz aılyq eseptik kórsetkishke deıin, al qaıtalap buzǵan kezde qyryqtan eki júzge deıin ulǵaıtýǵa;

- zań jobasynda paıdalanylatyn negizgi uǵymdardy naqtylaýǵa baǵyttalǵan.

Budan buryn habarlanǵandaı, bıyl naýryz aıynda Májilis «Qazaqstan Respýblıkasynyń keıbir zańnamalyq aktilerine Qarýly Kúshterdiń, basqa da áskerler men áskerı quralymdardyń arsenaldary, bazalary men qoımalary janyndaǵy tyıym salynǵan aımaqtar men tyıym salynǵan aýdandar máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldaǵan bolatyn.



Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT