+7 (701) 759 90 19
USD 410.70 EUR 465.28
RUB 5.80 CNY 58.81
Jańalyqtar

Májilis «Ardagerler týraly» zań jobasyn birinshi oqylymda maquldady

2020 jylǵy 1 sáýir 12:16
Bólisińiz:
Májilis «Ardagerler týraly» zań jobasyn birinshi oqylymda maquldady

NUR-SULTAN. QazAqparat – Parlament Májilisiniń jalpy otyrysynda «Ardagerler týraly» zań jobasy birinshi oqylymda maquldandy, dep habarlaıdy QazAqparat tilshisi.

Uqsas jańalyqtar
Petropavl joldarynda beınebaqylaý júıesiniń kómegimen 4 myńǵa jýyq quqyq buzýshylyq tirkeldi Aqmolalyqtar bir kúnde polıtsııaǵa 32 tirkelmegen qarý ótkizdi

Zań jobasynyń negizgi maqsaty – ardagerlerdi áleýmettik qorǵaýǵa baılanysty qoǵamdyq qatynastardy retteıtin zańnamalyq aktilerdi júıeleý, qaıta qaraý jáne ardagerlerdiń jańa sanattaryn qalyptastyrý.

«Birinshisi – ol UOS ardagerleri. Bul sanatqa soǵysqa qatysýshylar jáne UOS múgedekteri jatatyn bolady. Ekinshisi basqa memleketterdiń aýmaǵynda urys qımyldarynyń ardagerlerine qatysty. Zań jobasyna sáıkes, olarǵa Aýǵanstandaǵy urys qımyldaryna qatysqan áskerı qyzmetshiler, sondaı-aq 1992 jyldan 2001 jylǵa deıingi kezeńde tájik-aýǵan ýchaskesinde TMD-nyń syrtqy shekaralarynyń syrtqy qorǵanysyn kúsheıtýge qatysqan, 1968 jyly Chehoslovakııadaǵy janjaldy retteýge, Taýly Qarabahtaǵy etnosaralyq janjaldy retteýge, Iraktaǵy bitimgershilik operatsııalaryna qatysqan ulttyq kontıngenke kiretin azamattar sanaty jatady», - dedi QR Eńbek jáne halyqty áleýmettik qorǵaý mınıstri Birjan Nurymbetov.

Onyń sózine qaraǵanda, úshinshisine jeńildikter boıynsha UOS ardagerlerine teńestirilgen tulǵalar sanaty enip otyr. Zań jobasy aıasynda olarǵa jeńildikter men kepildikter boıynsha UOS qatysýshylaryna teńestirilgen azamattardyń 8 sanaty jáne UOS múgedekterine teńestirilgen azamattardyń 5 sanaty kiredi.

Tórtinshiden, eńbek ardagerleri qamtylǵan. Olardyń qatarynda Sotsıalıstik Eńbek Erleri, úsh dárejeli Dańq, úsh dárejeli Eńbek Dańqy ordenderiniń ıegerleri, Qazaqstannyń Eńbek Eri ataǵyna ıe bolǵan tulǵalar, 1941 jylǵy 22 maýsymnan 1945 jylǵy 9 mamyr aralyǵynda kemine 6 aı jumys istegen, áskerı qyzmet ótkergen jáne Ekinshi dúnıejúzilik soǵys jyldary tyldaǵy janqııarlyq eńbegimen minsiz áskerı qyzmeti úshin burynǵy KSRO ordenderimen jáne medaldermen marapattalǵan adamdar jatady.

«Sonymen qatar zań jobasynda ardagerlerge qatysty áleýmettik qoldaý sharalary qarastyrylǵan. Mınıstrlik óz kezeginde qyzmet túrlerin ardagerlerge kórsetýdi belsendendirý baǵytynda quqyqtyq aktilerge tolyqtyrýlar engizip, ardegerlerdiń qoǵamdyq birlestikterimen, kásipodaqtarymen, jergilikti atqarýshy organdarmen birlesip, tıisti jumystar atqaratyn bolady. Quqyqtyq monıtorıng nátıjeleri boıynsha zań jobasynda qoldanystaǵy zańnamanyń eskirgen jáne tájirıbelik máni joǵalǵan normalar alyp tastaldy», - dedi mınıstr.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT