FÝTBOLDAN ÁLEM ChEMPIONATY-2022
  Jańalyqtar  >

Májilis ákimderdi taǵaıyndaý men saılaý tártibin ózgertýge qatysty qujatty maquldady

2022 jylǵy 28 qyrkúıek, 15:15
Májilis ákimderdi taǵaıyndaý men saılaý tártibin ózgertýge qatysty qujatty maquldady

ASTANA. QazAqparat – Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine Memleket basshysynyń 2022 jylǵy 16 naýryzdaǵy Joldaýyn iske asyrý máseleleri boıynsha ózgerister men tolyqtyrýlar engizý týraly» zań jobasy ekinshi oqylymda maquldandy, dep habarlaıdy QazAqparat tilshisi.

Zań jobasynyń negizgi maqsaty - Qazaqstan Respýblıkasynyń qoldanystaǵy zańnamasyn Memleket basshysy jarııalaǵan saıası reformany iske asyrý aıasynda engiziletin ózgerister men tolyqtyrýlarǵa sáıkes keltirý.

Atap aıtqanda, qujatta jergilikti atqarýshy organdarǵa qatysty QR Prezıdentiniń jekelegen ókilettikterin joıý, saılaý júıesin jetildirý, ákimderdi taǵaıyndaý men saılaý tártibin ózgertý, saıası partııalardy tirkeý rásimderin ońaılatý, zań shyǵarý rásimin ózgertý jáne quqyq qorǵaý ınstıtýttaryn kúsheıtý eskerilgen.

Sonymen qatar zań jobasynda jerge, onyń qoınaýyna, sý kózderine, ósimdikter men janýarlar dúnıesine, basqa da tabıǵı resýrstarǵa qatysty halyq menshigin belgileý qamtylǵan.

Budan buryn habarlanǵandaı, 2023 jyldan bastap qanatqaqty rejımde aýdandar men oblystyq mańyzy bar qalalar ákimderin saılaý ótkiziledi.


Tegı:
Parlament   Zań   Saılaý  
Uqsas jańalyqtar
Seriktester jańalyqtary

Jańalyqtar