+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Májbúrli túrde eńbek demalysyna shyqqandarǵa tólem tólenedi – mınıstrlik

2020 jylǵy 26 naýryz 14:24
Bólisińiz:
Májbúrli túrde eńbek demalysyna shyqqandarǵa tólem tólenedi – mınıstrlik

NUR-SULTAN. QazAqparat – Jumys isteıtin, alaıda májbúrli túrde eńbek demalysyna shyǵyp, kirisinen aıyrylǵan qazaqstandyqtar Memlekettik áleýmettik saqtandyrý qorynan (MÁSQ) tólem alady, dep habarlaıdy QazAqparat tilshisi Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

Uqsas jańalyqtar
Almatyda kimderge áleýmettik tólem beriledi Almatyda muqtaj otbasylar, múgedekter men zeınetkerlerdi qoldaý baǵdarlamasy jasaldy AÁK taǵaıyndaý proaktıvti formatqa aýystyryldy

Eńbek jáne halyqty áleýmettik qorǵaý mınıstrligi Memleket basshysynyń tapsyrmasyna sáıkes, tótenshe jaǵdaı ýaqytynda kirisinen aıyrylǵan azamattarǵa jańa áleýmettik tólem berý tártibin ázirlegen.

«Jumys isteıtin, alaıda kirisinen aıyrylǵan, ıaǵnı TJ ýaqytynda májbúrli túrde eńbek tóleminsiz demalysqa shyqqan qazaqstandyqtar Memlekettik áleýmettik saqtandyrý qorynan (MÁSQ) tólem alady. Bir jumysshy úshin áleýmettik tólemniń mólsheri bir mınımaldy jalaqyǵa – 42,5 myń teńgege teń (aıyna). MÁSQ-tan jańa tólem Qazaqstan aýmaǵynda eńbek etetin Qazaqstan azamattaryna beriledi», - dep habarlaıdy mınıstrlikten.

Jańa áleýmettik tólemdi alý úshin azamattar mynadaı sharttarǵa saı bolýy tıis:

- tótenshe jaǵdaıdyń jarııalanýyna baılanysty aılyǵy saqtalmaı (jumystan shyǵarylmaı) májbúrli túrde demalysqa jiberilgen jumysshylarǵa;

- tólemge ıe bolý úshin jumysshy tótenshe jaǵdaı engizilmeı turyp sońǵy 12 aıdyń kem degende úsh aıynda MÁSQ-ta aýdarymy bolýy kerek;

- áleýmettik tólem tek orta, shaǵyn jáne mıkrobıznes jumysshylaryna beriledi.

Jańa áleýmettik tólemdi taǵaıyndaý úshin jumys berýshi jergilikti atqarýshy organǵa júginip, jumysshylarynyń kiristeriniń shynynda da toqtatylǵanyn rastaıtyn qujatty (jumysshylardyń tizimimen, tıisti buıryqpen birge) alyp kelýi tıis. Ótinimge sáıkes jergilikti shtab jumys berýshige áleýmettik qoldaý kórsetý týraly sheshim qabyldaıdy. Al «Azamattarǵa arnalǵan Úkimet» bólimshesi jumysshylardyń tizimin ózdigimen jasaıdy. Áleýmettik tólem jumysshyǵa tótenshe jaǵdaı ýaqytynda, aılyǵy tólenbeı eńbek demalysyna shyqqan jaǵdaıda ǵana beriledi.

«Óz kezeginde qazirgi zańnamaǵa sáıkes jumyssyz qalǵan azamattar mindetti áleýmettik saqtandyrý jáne kiris júıesinde sońǵy 24 aıdaǵy qatysý deńgeıine qaraı 1-6 aı kóleminde áleýmettik tólemge ıe bolady. Ol úshin jumyssyz qalǵan azamat jergilikti jumyspen qamtý ortalyǵyna baryp, jumyssyz retinde tirkelýi kerek. Tólem avtomatty túrde beriledi», - dep habarlaıdy mınıstrlikten.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT