+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Majarstanda Abaıdyń taǵy bir músini ashyldy

2021 jylǵy 28 tamyz 21:33
Bólisińiz:
Majarstanda Abaıdyń taǵy bir músini ashyldy

BÝDAPEShT. QazAqparat - Qazaqstan táýelsizdiginiń 30 jyldyǵy aıasynda Majarstannyń Memlekettik jınalysy spıkeriniń orynbasary Shandor Lejaktyń qoldaýymen Lakıtelek halyq ınstıtýtynda qazaq aqyny jáne aǵartýshysy Abaı músininiń saltanatty ashylý rásimi ótti.

Іs-sharaǵa Majarstannyń saıası qaıratkerleri, akademııalyq jáne qoǵamdyq toptarynyń ókilderi qatysty.

Rásim barysynda Sh. Lejak kórnekti aqyn jáne oıshyl Abaıdyń shyǵarmashylyq murasy batys jáne shyǵys mádenıetin rýhanı baılanystyratynyn atap ótti.

Majarstan Premer-mınıstriniń orynbasary – Qarjy mınıstri, Ekonomıkalyq yntymaqtastyq jónindegi Qazaqstan-Majarstan úkimetaralyq komıssııasynyń teń tóraǵasy Mıhaı Varga Majarstan Úkimeti «Shyǵysqa tereze» syrtqy saıası strategııasy sheńberinde ǵylymı-mádenı mura salasyndaǵy eki el arasyndaǵy qatynastaryn damytýdy jalǵastyratynyn atap ótti.

Qazaqstan Elshisi Jánibek Ábdirashov Abaıdyń eńbekteri elder men halyqtardyń jaqyndasýyna septigin tıgizetinin, al onyń rýhanı murasy arqyly majar jastary qazaq dalasynyń mádenıetimen tanysa alatynyn atap ótti.


Іs-shara aıasynda majar stýdentteri Abaıdyń «Kózimniń qarasy» jáne «Óleń - sózdiń patshasy» shyǵarmalaryn majar jáne qazaq tilderinde oryndady.

Sonymen birge elshiniń qazaq tili men Qazaqstan mádenıetin oqyp jatqan majar stýdentterimen kezdesýi ótti.

Abaı músini Majarstannyń rýhanı ortalyqtarynyń biri sanalatyn Lakıtelek halyq ınstıtýtynyń baǵynda ornatylǵan.

Qazirgi ýaqytta ınstıtýt álemdik tilder men mádenıetterdi zertteýge arnalǵan biregeı joba qurdy, majar jastary arasynda keńinen tanymal boldy.

Qazaqstan, Reseı, Belarýs jáne Mońǵolııadan kelgen jetekshi sheteldik ǵalymdardyń, lıngvısterdiń, mádenıettanýshylardyń jáne basqa da mamandardyń osy elderdiń mádenıeti men tarıhyn zerdeleý boıynsha stýdentterge arnalǵan oqytý is-sharalaryn ótkizý jónindegi jobaǵa qatysýy yqpal etedi.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT