Valıýta baǵamdary:
    usd/kzt 422.01 eur/kzt 452.06

    rub/kzt 6.75 cny/kzt 62.72
Aýa raıy:
Nur-Sultan: 1 °S
Almaty: 15 °S

Majarstan qazaqstandyqtarǵa 250 bilim grantyn usynady

2022 jylǵy 26 qańtar 15:42

NUR-SULTAN. QazAqparat - Majarstan qazaqstandyqtarǵa 250 bilim grantyn usynady, dep habarlaıdy QR BǴM baspasóz qyzmeti.

Otandastarymyz «Stipendium Hungaricum» stıpendııalyq baǵdarlamasy sheńberinde QR Bilim jáne ǵylym mınıstrligi men Majarstan Respýblıkasynyń adamı resýrstar mınıstrligi arasyndaǵy kelisimderdiń arqasynda Majarstannyń joǵary oqý oryndarynda tegin oqı alady.

«Qazir osyndaı Úkimetaralyq kelisimder aıasynda úmitkerlerdi irikteý erejelerin jetildirý boıynsha jumys istep jatyrmyz. Halyqtyń áleýmettik osal toptary úshin, mysaly, kópbalaly otbasylardan shyqqan balalar, jetim jáne erekshe oqý qajettilikteri bar balalar, sondaı-aq aýyldyq jerlerden kelgen úmitkerler úshin artyqshylyqtar qarastyrylǵan», – dedi Halyqaralyq baǵdarlamalar ortalyǵynyń Basqarma tóraǵasy Ánýar Janǵozın.

«Stipendium Hungaricum» stıpendııalyq baǵdarlamasy qazaqstandyqtarǵa kelesi baǵdarlamalar boıynsha 250 grant usynady:

• bakalavrıat boıynsha 110 oryn;

• magıstratýra boıynsha 90 oryn;

• bakalavrıat+magıstratýra boıynsha 30 oryn;

• doktorantýra boıynsha 20 oryn.

Granttar majar tilin akademııalyq maqsatta úırený kýrstaryn, jataqhana aqysyn, medıtsınalyq saqtandyrýǵa jumsalatyn shyǵyndardy óteıdi. Sondaı-aq stýdentterge aı saıynǵy stıpendııa tólenedi.

Oqytý aǵylshyn jáne majar tilderinde ótedi. Úmitkerler bir jyldyq majar tili kýrsynan ótken soń sol tilde oqıtyn bolsa, tańdalǵan baǵdarlama boıynsha oqıdy.

«Stipendium Hungaricum» stıpendııalyq baǵdarlamasy týraly tolyǵyraq aqparat qosymsha «Halyqaralyq baǵdarlamalar ortalyǵy» AQ saıtynda nemese QR Bilim jáne ǵylym mınıstrliginiń saıtynda jarııalanady.

«Halyqaralyq baǵdarlamalar ortalyǵy» AQ basqa eldermen yntymaqtastyq ornatý boıynsha jumys júrgizip jatyr.

2021 jyly Qazaqstan «Bolashaq» halyqaralyq stıpendııasy boıynsha jańa eldermen jáne joǵary oqý oryndarymen baılanys ornatty. 2021-2023 jyldary bilim alatyn joǵary oqý oryndarynyń sany 138-den 207-ge ósti.


Novostı po teme
Uqsas jańalyqtar