+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Maıra Muhamedqyzy onlaın kontsert ótkizdi

2020 jylǵy 6 sáýir 08:21
Bólisińiz:
Maıra Muhamedqyzy onlaın kontsert ótkizdi

NUR-SULTAN. QazAqparat - Belkanto patshaıymy, «Astana Operanyń» jetekshi solısi Maıra Muhamedqyzy jeke onlaın-kontsertin berdi. Opera dıvasynyń kúshti de qýatty energetıkasynyń arqasynda senbilik kesh naǵyz teatrlyq shattyqqa aınaldy, dep habarlaıdy QazAqparat teatrdyń baspasóz qyzmetine silteme jasap.

Qazaqstannyń eńbek sińirgen ártisi, QR Memlekettik syılyǵynyń laýreaty Maıra Muhamedqyzy baǵdarlamany sátti tańdaǵan. Jekelegen bir bólim jan jylýy men uıymshyldyq sezimin týdyratyn «Búldirgen», «Aq Kóılek», «Al Qońyr», «Sáýlem-aı» syndy qazaq halyq ánderine arnalǵan.

Qazaqtelekomnyń YouTube arnasynyń Live formatyndaǵy tikeleı efırinde áıgili ánshiniń syńǵyrlaǵan taza daýysy men minsiz oryndaýynda Abaı Qunanbaevtyń «Kózimniń qarasy», Muratbek Begalıevtyń «Ysyq kóldý saǵyný», Abdýlla Toqaıdyń «Ana tili» jáne t.b. shyǵarmalar shyrqaldy. Uıǵyr ári qytaı halyq ánderi baǵdarlamanyń sánin keltirdi.

Opera dıvasy kún saıyn vokaldyq sheberligin shyńdaý, ónerdiń syrlaryna tereń boılaý arqyly halyqtyń zor mahabbatyna ıe boldy. Onyń qajyrly eńbegi, repertýaryn keńeıtýge baǵyttalǵan jumystary, tynymsyz shyǵarmashylyq ıdeıalardy izdestirýi óz jemisin berdi. Sirá, búgingi tańda onyń esimin bilmeıtin adam joq shyǵar. Halyqtyń súıiktisi, Qazaqstannyń vokaldyq óneriniń álemdegi laıyqty ókili. Sondaı-aq Maıra Muhamedqyzy – dúnıe júziniń opera ánshileriniń kúrdeli de bedeldi shyǵarmashylyq jarysy – Máskeýdegi P.Chaıkovskıı atyndaǵy halyqaralyq baıqaýdyń laýreaty (1998) atanǵan jalǵyz qazaqstandyq opera oryndaýshysy.

Tamasha vokaldyq sheberlikten bólek, kórermender osy keshte keremet aspapshylardyń da sheber oryndaýshylyǵyn baǵalaı aldy – Tsezar Kıýıdiń «Tsarskoselskaıa statýıa», Petr Chaıkovskııdiń «Kolybelnaıa pesn v býrıý» kompozıtsııalarynyń syrly ınterpretatsııalaryn kóptegen halyqaralyq baıqaýlardyń laýreaty arfashy Dılıara Qaldybaeva usynsa, Qazaqstannyń eńbek sińirgen qaıratkeri Elmıra Ahmedıarova kontsertte fortepıano partııasyn oryndady.

Eske salar bolsaq, QR Mádenıet jáne sport mınıstrligi «Qazaqtelekom» AQ-men birlesip, Live formatynda «Karantındegi juldyz» jobasyn sátti júzege asyrýda. Kórermender ártistermen pikir jazý arqyly suhbattasady. Kontsertter ashyq ári barshaǵa qoljetimdi túrde tegin ótkiziledi.

Soprano daýysynyń ıegeri, «Astana Opera» solısi Mádına Islamovanyń da onlaın-kontserti 1 sáýir kúni @etalents.pro tikeleı efırinde ótti. Áleýmettik jelidegi óziniń paraqshasynda ánshi «mýzyka adamnyń jan-dúnıesin emdeıdi» dep atap ótken. Onyń oryndaýynda onlaın-aýdıtorııa nazaryna qazaqtyń halyq ánderi «Balqadısha», «ıApyraı», «Naz qońyr», sondaı-aq E.Brýsılovskııdiń «Qyz Jibek» operasynan «Tolqyma», «Gákký» jáne taǵy basqa kóptegen týyndylar usynyldy.

Tyńdarmandar ózderiniń pikirlerinde osynaý qıyn-qystaý kezeńde asqaq ónerdiń qudireti arqyly kóńil-kúı men kúsh-qýat syılaǵany úshin «Astana Opera» ártisterine alǵystaryn bildirdi.


Foto: assembly.kz


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT