Maınıng salyǵyn kóbeıtýdi kózdeıtin zań jobasy kelesi aıda daıyn bolady
2022 jylǵy 7 sáýir 18:05

Maınıng salyǵyn kóbeıtýdi kózdeıtin zań jobasy kelesi aıda daıyn bolady

NUR-SULTAN. QazAqparat – QR Ulttyq ekonomıka mınıstriniń orynbasary Azamat Ámrın maınıngke salynatyn salyq qalaı kóbeıtiletinin túsindirdi, dep habarlaıdy QazAqparat tilshisi.

«Bıyl bıýdjettiń kiris bóligin 955 mlrd teńgege ulǵaıttyq. Negizgi ósim, árıne, biz eksporttaıtyn taýarlar baǵasynyń ósimi esebinen, makrokórsetkishterdiń ósimi esebinen boldy. 2021 jylmen salystyrsaq, ósim 38% bolyp otyr. Bul - óte jaqsy dınamıka. Árıne, salyqtyq ákimshilendirýdiń úlesi de bar. Kirister men boljamdardy ulǵaıtý bóliginde Memleket basshysynyń taý-ken óndirisine salyq stavkalaryn ulǵaıtý týraly tapsyrmasy bar. Qazirgi qoldanysta mólsherleme 1 teńge bolatyn. Biz ony 10 ese arttyrýdy usynamyz», - dedi vıtse-mınıstr Májiliste jańa zań jobasynyń tanystyrylymynda.

Onyń aıtýyna qaraǵanda, salyq maınıng ókilderiniń óndiris kólemine qaraı saralanǵan negizde ulǵaıtylmaq.

«Salyqty birden 10 ese kótere salaıyq dep otyrǵan joqpyz. Bul tutynaltyn elektrý qýatynyń mólsherine, qunyna baılanysty esepteledi. Elektr qýatyna jumsaıtyn shyǵyny neǵurlym kóp bolsa, tóleıtin salyǵy soǵurlym az bolady. Biraq bul ashyq jumys isteıtin maınerlerge qatysty. Biz qazir Prezıdenttiń tapsyrmasy boıynsha Salyq kodeksine túzetý engizetin zań jobasyn ázirlep jatyrmyz. Tujyrymdama bekitildi. Qazir zań jobasy memlekettik organdardyń maquldaýyna jiberildi. Aıdyń sońyna qaraı nemese mamyr aıynda osy zań jobasymen Májiliske kelemiz», - dedi mınıstrdiń orynbasary

Aıta keteıik, buǵan deıin QR Ulttyq ekonomıka mınıstri Álibek Qýantyrov jýrnalısterge Ulttyq qordan kepildendirilgen transfertti naqtylaý ne úshin qajet bolǵanyn túsindirgen bolatyn.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT