+7 (701) 759 90 19
USD 376.43 EUR 407.11
RUB 5.76 CNY 53.55
Jańalyqtar

Maıdanger Ábý Dosmuhambetovtyń súıegi Qazaqstanǵa jetkizilip, qaıta jerlenedi

2020 jylǵy 22 qańtar 14:33
Bólisińiz:
Maıdanger Ábý Dosmuhambetovtyń súıegi Qazaqstanǵa jetkizilip, qaıta jerlenedi

PETROPAVL. QazAqparat – Sovet odaǵynyń Batyry Ábý Dosmuhambetovtyń týǵan-týystary maıdanda erlikpen qaza tapqan jaýyngerdiń súıegin Qazaqstanǵa ákelip jerlemek, dep habarlaıdy QazAqparat tilshisi.

Uqsas jańalyqtar

SQO-nyń týmasy, Ábý Dosmuhambetovtyń týǵanyna bıyl 100 jyl tolady. 19 jasynda Qyzyl ásker qataryna alynyp, 1941 jyly kishi leıtenanttar kýrsyn támamdaǵan soń 1942 jyly maıdanǵa attandy. Bir jyldan keıin Ýkraınanyń Chernobyl qalasynyń mańynda denesine mına baılap, jaý tankisiniń astyna túsken jaýynger erlikpen qaza tapty. Sol kezde jasy nebári 23-te bolǵan. Ábý Dosmuhambetovtyń artynda tuıaq qalmady.

Maıdan dalasynda qalǵan denesi tek 1966 jyly tabylyp, Chernobyl qalasynyń Dańq alleıasyna jerlengen. Endi ony Ábýdiń ini-qaryndastarynan taraǵan urpaq týǵan elge ákelip jerlemekshi.


«Ábý Dosmuhambetov - sheshemniń týǵan aǵasy. Naǵashymnyń týyp-ósken jeri – Prııshım dep atalady. Bıyl Jeńistiń 75 jyldyǵyna jáne batyr atamyzdyń ǵasyrlyq toıyna oraı, onyń súıegin týǵan elge ákelip jerleýdi nıet ettik. Bul, eń aldymen, keıingi jastarǵa kerek», - deıdi maıdangerdiń jıeni Serǵalı Kinálbaev.

1986 jyly Chernobylde bolǵan apatqa deıin batyrdyń týystary birneshe ret basyna baryp, Quran oqyǵan. Qazir zıratqa ótý múmkin emes.


«Chernobyldegi apattan keıin, onda baryp-kelýge nemese molasyn kútip ustaýǵa eshqandaı múmkindik bolmaı qaldy. Ol apattan keıin 30 jyl ótti. Qazir ol jer múldem qaraýsyz qaldy. Sol sebepti, atamyzdyń súıegin alyp ketý úshin Ýkraınanyń Syrtqy ister mınıstrliginen ruqsat surap, qujat jiberdik. Olar qarsylyq bildirmedi, qazir qajetti qujattardy jınap jatyrmyz», - deıdi Ábý Dosmuhambetovtyń kúıeý balasy Seıdiǵapar Mamadalıev.

Boryshty atqarý úshin týǵan-týystary Ábý Dosmuhambetov atyndaǵy qor ashpaq. Jınalǵan qarajat Ýkraınadan jaýyngerdiń súıegin alyp kelýge jumsalatyn bolady.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT